ഇഷ്ടം എന്ന സിനിമയിലൂടെ മലയാളികളുടെ മനസ്സില്‍ ചേക്കേറിയ താരമാണ് നവ്യ നായര്‍. വിവാഹ ശേഷം കുറച്ചു കാലം സിനിമയില്‍ നിന്നും വിട്ടു നിന്നെങ്കിലും പിന്നീട് മിനി സ്‌ക്രീനിലൂടെയും നൃത്ത പരിപാടികളിലൂടെയും നടി തിരികേ എത്തിയിരുന്നു. അതേ സമയം നവ്യ വീണ്ടും സിനിമയില്‍ സജീവമാകുകയാണ്. ഒരുത്തി എന്ന ചിത്രത്തിലൂടെയാണ് താരം തിരിച്ചുവരവ് നടത്തുന്നത്. ബോട്ടിലെ കണ്ടക്ടറായ വീട്ടമ്മയുടെ വേഷമാണ് താരം പുതിയ ചിത്രത്തില്‍ അവതരിപ്പിക്കുന്നത്. എന്നാല്‍ ഇപ്പോള്‍ നവ്യ പങ്കുവച്ച പുതിയ ചിത്രങ്ങളാണ് വൈറലായി മാറുന്നത്.

കിടിലന്‍ മേക്ക് ഓവര്‍ ചിത്രങ്ങളാണ് താരം പങ്കുവച്ചിരിക്കുന്നത്. ഒരു ബ്ലാക്ക് ആന്‍ഡ് വൈറ്റ് കോമ്ബിനേഷന്‍ ടോപ്പും പലാസോയും ഷ്രഗ്ഗുമണിഞ്ഞുള്ള ലുക്കിലാണ് താരം ഇന്‍സ്‌റാഗ്രാമിലൂടെ ചിത്രം പങ്കുവയ്ച്ചിരിക്കുന്നത്. താരത്തിന്റെ ചിത്രത്തിന് ചുവടെ കിടിലന്‍ മേക്കോവറാണെന്നും, നവ്യ ചേച്ചിന്ന് വിളിച്ച് ഇനി നവ്യ 'അനിയത്തി'ന്നു വിളിക്കേണ്ടി വരും. അടിപൊളിയായിട്ടുണ്ടെന്നുമൊക്കെയാണ് ആരാധകര്‍ നല്‍കിയിരിക്കുന്ന കമന്റ്.ലോക്ക് ഡൌണ്‍ കാലത്ത് മകനൊപ്പമുള്ള വിശേഷങ്ങളും താരം ആരാധകരുമായി പങ്കുവച്ചിരുന്നു.