മലയാളികളുടെ ഇഷ്ട്ടപെട്ട പരമ്പരകളിൽ ഒന്നാണ് ഫ്ലവർസ് ചാനലിലെ ഉപ്പും മുളകും എന്ന സീരിയൽ. പതിവ് കാണുന്ന സീരിയൽ വിഭാഗത്തിൽ നിന്നും വളരെ വിത്യസ്തമായാ കഥകളും ചില അപ്രതീക്ഷിത സംഭവങ്ങളുമാണ് സീരിയലിൽ അരങ്ങേറാറുള്ളത്. പരിപാടിയിലെ എല്ലാ കഥാപാത്രങ്ങളെയും മലയാളികൾക്ക് സുപരിചിതരാണ്.

ഉപ്പും മുളകിലൂടെ പ്രശസ്തരായ ബിജു പ്രേക്ഷകരുടെ പ്രിയപ്പെട്ട ബാലുവാണ്. ലക്ഷ്മിയാണ് ബിജുവിന്റെ ഭാര്യ. ഗൗരിയാണ് ഏക മകള്‍. സീരിയലിലെ ലച്ചുവിന്റെ വിവാഹം മലയാളക്കരയാകെ ഏറ്റെടുത്തിരുന്നു. എന്നാൽ വിവാഹം കഴിഞ്ഞുളള അടുത്ത ദിവസങ്ങളില്‍ താരം സീരിയലില്‍ നിന്നും പിന്മാറുകയായിരുന്നു. താരത്തിന്റെ പിന്മാറ്റം ആരാധകരെ വിഷമിപ്പിച്ചിരുന്നു.

തുടര്‍പഠനത്തിനായാണ് പിന്മാറ്റം എന്നാണ് താരം പറഞ്ഞത്. എന്നാല്‍ ഇപ്പോള്‍ ലച്ചുവായി വേഷമിടുന്ന ജൂഹി റസ്‌തോഗി സീരിയലില്‍ നിന്നും മുന്‍മാറാനുണ്ടായ കാരണത്തെക്കുറിച്ച് ബാലുവായി അഭിനയിക്കുന്ന ബിജുസോപാനം മനസ്സ് തുറന്നിരിക്കയാണ്. മെട്രോ മാറ്റിനിയ്ക്ക് നല്‍കി യ അഭിമുഖത്തിലാണ് താരം ഉപ്പും മുളകിലെ വിശേഷങ്ങള്‍ പങ്കുവച്ചത്.

ലച്ചു സീരിയലില്‍ നിന്നും പിന്മാറിയതിനെക്കുറിച്ച് തനിക്ക് വ്യക്തമായ ധാരണയിന്നും പഠിക്കാന്‍ പോകണം എന്നാണ് തന്നോട് പറഞ്ഞതെന്നും ബാലു പറയുന്നത്. പഠിക്കാന്‍ പോകാന്‍ ആണെങ്കില്‍ അത് നല്ല കാര്യം ആണെന്ന് ബാലുവും പറയുകയായിരുന്നു. താന്‍ അങ്ങനെയാണ് അറിഞ്ഞതെന്നും. താന്‍ അതിനെക്കുറിച്ച് കൂടുതല്‍ ഒന്നും ചോദിക്കാന്‍ പോയില്ലെന്നും എല്ലാവരും വ്യക്തികളാണെന്നും അതുകൊണ്ട് അവരുടെ തീരുമാനം ആണെന്നും താരം പറയുന്നു. പൊതുവെ താന്‍ ഒരു കാര്യത്തെക്കുറിച്ചും കൂടുതല്‍ ചോദിക്കാന്‍ പോകാറില്ലെന്നും ബാലു പറയുന്നു.

അടുത്തിടെയാണ് ഈ പരമ്പര ആയിരം എപ്പിസോഡുകൾ പൂർത്തീകരിച്ചത്. മലയാള സീരിയൽ ചരിത്രത്തിൽ ഇന്നേവരെ കാണാത്ത വിധത്തിലുള്ള അത്യന്തം ആഘോഷ പൂർവ്വമായിട്ടാണ് ഈ എപ്പിസോഡിൽ ലച്ചുവിന്റെ വിവാഹം ടീം ഷൂട്ട് ചെയ്തത്. ഇതോടെ റിയൽ ലൈഫിനെ വെല്ലുന്ന തരത്തിലുള്ള കാഴ്ച്ചയാണ് ഉപ്പും മുളകും പ്രേക്ഷകർക്ക് സമ്മാനിച്ചത്. ഈ ഒരൊറ്റ ഈവന്റിനായി ലക്ഷക്കണക്കിന് രൂപയാണ് അണിയറ പ്രവർത്തകർ ചിലവാക്കിയത്. വിവാഹവുമായി ബന്ധപെട്ട് യുവനടൻ ഷെയ്ൻ നിഗം വരെയുള്ളവരുടെ പേരുകൾ ഉയർന്നുകേട്ട സമയത്താണ് നായികാ നായകൻ ഫെയിം ഡെയിൻ ഡേവിസ് പരമ്പരയിൽ എത്തിയതും ലച്ചുവിന്റെ സിദ്ദുവായ് രംഗ പ്രവേശം ചെയ്യുന്നതും.

ഇരുവരും ഒരുമിച്ചുള്ള രണ്ടു എപ്പിസോഡുകൾ ചാനൽ സംപ്രേക്ഷണവും ചെയ്തു. എന്നാൽ ലച്ചുവിന്റെ വിവാഹം ആഘോഷിച്ചപ്പോൾ തന്നെ പ്രേക്ഷകർ നടിയുടെ പിന്മാറ്റത്തെ കുറിച്ചും ചർച്ചകൾ നടത്തിയിരുന്നു. ആർഭാടപൂർവ്വമായ വിവാഹം, ഹണിമൂണിനായി ദമ്പതികളുടെ ഡൽഹി യാത്ര, തുടങ്ങിയ നിരവധി രംഗങ്ങൾക്കാണ് പിന്നീട് പ്രേക്ഷകർ സാക്ഷ്യം വഹിച്ചത്.