മിനിസ്ക്രീൻ പ്രേക്ഷകരുടെ ഇഷ്ട താരമാണ് ശരത്. സീരിയലുകളിലൂടെ ആരാധകരുടെ മനസിലേക്ക് പെട്ടന്ന് ഇടംപിടിച്ച താരം. അന്തരിച്ച സുപ്രസിദ്ധ കഥകളി സംഗീതജ്ഞൻ വെണ്മണി ഹരിദാസിന്റേ മകനാണ് ശരത്. വളരെ ചെറുപ്പത്തിൽ തന്നെ ശരത് സീരിയലുകളുടെയും സിനിമയുടെയും ലോകത്തെത്തി.1994 ൽ പുറത്തിറങ്ങിയ സ്വാഹം എന്ന ചിത്രത്തിൽ വേഷമിട്ടാണ് ശരത് സിനിമ ലോകത്തു എത്തിയത്.

സിനിമകളുടെ ലോകത്തു നിന്നു മാറി ശരത് സീരിയലുകളിൽ എത്തിയതോടെ ആരാധകർ ഒരുപാടുണ്ടായി. ശ്രീമഹാഭാഗവതം, ഹരിചന്ദനം, അമ്മ, അലാവുദ്ദീന്റെ അത്ഭുതവിളക്ക്, മിന്നുകെട്ട്, മാനസപുത്രി തുടങ്ങിയ സീരിയലുകൾ ശരത്തിനു പ്രേക്ഷക പ്രീതി നേടിക്കൊടുത്തു. അന്നും ഇന്നും ചെറുപ്പം നിലനിർത്തുന്ന ഒരാളാണ് ശരത്. വയസ് നാല്പതായെങ്കിലും ഇന്നും ശരത് ചെയുന്നത് ചെറുപ്പക്കാരായ കഥാപാത്രങ്ങളെ തന്നെയാണ്. മഞ്ജു ആണ് ശരത്തിന്റെ ഭാര്യ.

രണ്ട് പെണ്മക്കളാണ് ശരത്തിനു വേദ, ധ്യാന എന്നിങ്ങനെയാണ് പേര്. ഇപ്പോഴിതാ ആദ്യമായി തമ്മിൽ കണ്ടതിനെ കുറിച്ചും വിവാഹത്തെ കുറിച്ചുമെല്ലാം താരങ്ങൾ തുറന്ന് പറയുകയാണ്. മഞ്ജു പറഞ്ഞതിങ്ങനെയായിരുന്നു.. എന്റെ അകന്ന ബന്ധുവാണ് ശരതേട്ടൻ . എന്റെ വീടിനു അടുത്താണ് ശരത്തിന്റെ ചെറിയച്ഛന്റെ വീട്. ഞങ്ങളുടെ വീടിനു അടുത്തുള്ള കോളേജിൽ ഒരു പ്രോഗ്രാമിന് വന്നപ്പോൾ ശരതേട്ടൻ വീട്ടിൽ വന്നിട്ടുണ്ട്. ഞാനാണെങ്കിൽ അന്ന് എട്ടാം ക്ലാസിൽ ആണ് പഠിച്ചിരുന്നത്.

അങ്ങനെ ഒന്ന് രണ്ട് തവണ മാത്രമാണ് കണ്ടിരുന്നത്. എന്റെ കൂട്ടുകാർക്ക്‌ എല്ലാം ശരത്തേട്ടൻ എന്റെ ബന്ധുവാണെന്നു അറിയാമായിരുന്നു. അക്കാലത്തു ചേട്ടൻ ഹിറ്റായ സീരിയലുകളിൽ അഭിനയിക്കുകയായിരുന്നു, അങ്ങനെ കൂട്ടുകാർ ചേട്ടനോട് സീരിയലിന്റെ കഥ അന്വേഷിക്കാൻ പറയുമായിരുന്നു. അങ്ങനെ കഥ ചോദിക്കാൻ ഞാൻ വിളിക്കുമായിരുന്നു.

മഞ്ജു ആദ്യമായി ഷൂട്ടിംഗ് ലൊക്കേഷൻ കാണാൻ എത്തിയപ്പോൾ ഉള്ള അനുഭവം ശരത് പറയുന്നതിങ്ങനെയായിരുന്നു. മഞ്ജു ആദ്യമായി ഒരു ഷൂട്ടിംഗ് കാണാൻ വന്നതായിരുന്നു . ഒരു സിനിമയായിരുന്നു അത്. ഞാൻ ഒരു അമ്പലത്തിലെ പൂജാരി ആയി ആയിരുന്നു അഭിനയിച്ചത്. അതിലെ നായിക അമ്പലക്കുളത്തിൽ വീഴുമ്പോൾ ഞാൻ ചാടി വീണു രക്ഷിക്കുന്ന സീൻ ആയിരുന്നു അത്.

മഞ്ജു ആദ്യമായി അങ്ങനെ ഷൂട്ടിങ്‌ കാണാൻ വന്നപ്പോൾ കാണുന്നത് ഞാൻ ആ നടിയെ വെള്ളത്തിൽ നിന്നു കോരിയെടുക്കുന്നതാണ്. അതങ്ങനെ ഒരു മൂന്ന് മണിക്കൂർ ആ സീൻ ഷൂട്ട്‌ ചെയ്തു... ചിരിച്ചു കൊണ്ട് ആ കഥ ശരത് ഓർത്തെടുത്തു.