മലയാള സിനിമയ്ക്ക് മാറ്റിനിര്‍ത്താന്‍ കഴിയാത്ത ഒരു നടനാണ് സുരാജ് വെഞ്ഞാമ്മൂട്. മികച്ച നടനുള്ള ദേശീയ പുരസ്‌കാരം വരെ സ്വന്തമാക്കിയ താരമാണ്. ചെറിയ ഹാസ്യ വേഷങ്ങളിലൂടെ എത്തി പിന്നാട് സ്വഭാവ നടനായും നായകനായും മലയാള സിനിമയില്‍ തന്റേതായ ഇടം കണ്ടെത്തികഴിഞ്ഞു സുരാജ്.

സുരാജിന്റേതായി അവസാനം പുറത്തിറങ്ങിയ ചിത്രങ്ങള്‍ എല്ലാം തന്നെ സൂപ്പര്‍ ഹിറ്റുകളായിരുന്നു. ഇപ്പോഴിതാ സിനിമയിലെ തുടക്കകാലത്തെ തിക്താനുഭവങ്ങളെക്കുറിച്ച് തുറന്നുപറയുകയാണ് സുരാജ്. ആദ്യ കാലത്ത് തന്റെ നായികയായി അഭിനയിക്കാന്‍ മലയാളത്തിലെ ചില മുന്‍നിര നായികമാരും തയ്യാറായിരുന്നില്ല. അതെനിക്ക് വല്ലാത്ത വിഷമമുണ്ടാക്കി. കാരണം ഞാന്‍ ആരോടും ഒരു തെറ്റും ചെയ്തിട്ടില്ല.
പേരറിയാത്തവര്‍ എന്ന ചിത്രത്തിലൂടെ സുരാജിനെ തേടി ദേശീയ അവാര്‍ഡ് വന്നപ്പോള്‍ സുരാജിന് എങ്ങനെ അവാര്‍ഡ് കിട്ടിയെന്ന് കരുതിയിരുന്നവരും അന്നുണ്ടായിരുന്നുവെന്ന് അദ്ദേഹം പറയുന്നു. അതേക്കുറിച്ച് മുകേഷ് പറഞ്ഞ വാക്കുകള്‍ സുരാജ് ഇന്നും ഓര്‍ക്കുന്നു.
ഡേയ് ഈ ദേശീയ അവാര്‍ഡിന് വിലയുണ്ട് കേട്ടാ. ഇത് സത്യസന്ധമായ ദേശീയ അവാര്‍ഡാണ്. നീ അഭിനയിച്ചതിന് ആണ് അത് നിനക്ക് കിട്ടിയത്. നിനക്ക് മലയാളം പോലും ശരിക്കും അറിയില്ല, പിന്നെ ഏത് ഭാഷയില്‍ അവരുടെ എടുത്ത് പോയി വിലപേശും, അതുകൊണ്ട് കാശ് കൊടുത്ത് വാങ്ങിക്കാന്‍ പറ്റിലല്ലോ എന്ന്.
എന്നാല്‍ ആക്ഷന്‍ ഹീറോ ബിജു ഇറങ്ങിയതോടെ പലരുടേയും സംശയം മാറി. അതുവരെ ചിരിപ്പിച്ച സുരാജ് മലയാളിയെ കരയിപ്പിച്ചു. അങ്ങനെയിരുന്നപ്പോഴാണ് ആക്ഷന്‍ ഹീറോ ബിജു വരുന്നത്. അത് കണ്ടതോടെ പ്രേക്ഷകര്‍ പറഞ്ഞു സുരാജിന് ദേശീയ പുരസ്‌കാരം വെറുതെ കിട്ടിയതല്ലെന്ന്.അത് എനിക്ക് ഏറെ സന്തോഷം നല്‍കി. പുതിയ ഉത്തരവാദിത്തവും. അതിന് ശേഷം നല്ല കുറേ ക്യാരക്ടര്‍ റോളുകള്‍ ചെയ്യാനായി എന്നും സുരാജ് വ്യക്തമാക്കുന്നു.
സിനിമയില്‍ നല്ല തിരക്കാണെങ്കിലും കുടുംബവുമൊത്ത് സമയം ചിലവഴിക്കാനും താരം ശ്രദ്ധിക്കാറുണ്ട്. സുരാജിനും ഭാര്യ സുപ്രിയയ്ക്കും മൂന്ന് മക്കളാണുള്ളത്. രണ്ട് ആണും ഒരു പെണ്ണും. മൂത്ത മകന്‍ കാശിനാഥനും രണ്ടാമത്തെ മകന്‍ വാസുദേവും ഇളയകുട്ടി ഹൃദ്യയുമാണ്. എറണാകുളത്ത് സ്‌കൈലൈന്‍ ഫ്‌ലാറ്റിലാണ് സുരാജും കുടുംബവും താമസിക്കുന്നത്.