കോവിഡ് വ്യാപന പശ്ചാത്തലത്തില്‍ താരങ്ങള്‍ എല്ലാവരും ആശങ്കയിലാണ്. ഇപ്പോള്‍ കോവിഡ് 19 വായുവിലൂടെ പകരുമെന്ന റിപ്പോര്‍ട്ടുകള്‍ വന്നതോടെ ആശങ്കള്‍ പങ്കുവച്ചിരിക്കുകയാണ് ബോളിവുഡ് താരം മലൈക അറോറ. 'കോവിഡ് വായുവിലൂടെ സഞ്ചരിക്കും, 8 മണിക്കൂര്‍ അന്തരീക്ഷത്തില്‍ തുടരും. അതുകൊണ്ട് നിര്‍ബന്ധമായും മാസ്‌ക് വയ്ക്കണം' എന്ന വാര്‍ത്തയുടെ ചിത്രം പങ്കുവെച്ചാണ് മലൈകയുടെ പോസ്റ്റ്.എപ്പോഴാണ് ഈ പേടി സ്വപ്‌നം അവസാനിക്കുക എന്നാണ് മലൈക കുറിച്ചിരിക്കുന്നത്. നേരത്തെ മലൈക താമസിക്കുന്ന ഫഌറ്റില്‍ ഒരാള്‍ക്ക് കോവിഡ് രോഗം സ്ഥിരീകരിച്ചതോടെ ബില്‍ഡിംഗ് അടച്ച് സീല്‍ ചെയ്തിരുന്നു.