ഞെട്ടലോടെ ബോളിവഡ് താരങ്ങള്.... നടന് അനുപം ഖേറിന്റെ കുടുംബാംഗങ്ങള്ക്ക് കൊവിഡ് സ്ഥിരീകരിച്ചു
ബോളിവുഡ് നടന് അനുപം ഖേറിന്റെ കുടുംബത്തിലെ നാല് പേര്ക്ക് കോവിഡ് 19 സ്ഥിരീകരിച്ചു. നടന് തന്നെയാണ് ഇക്കാര്യം ട്വിറ്റര് വീഡിയോയിലൂടെ അറിയിച്ചിരിക്കുന്നത്. അനൂപം ഖേറിന്റെ മാതാവ് ദുലരി, സഹോദരന് രാജു, സഹോദരന്റെ ഭാര്യ റീമ, അവരുടെ മക്കള് വൃന്ദ തുടങ്ങിയവര്ക്കാണ് കോവിഡ് സ്ഥീരികരിച്ചിരിക്കുന്നത്. അനൂപം ഖേറിന്റെ അമ്മയെ മുംബൈയിലെ കോകിലാബെന് ആശുപത്രിയില് പ്രവേശിപ്പിച്ചിരിക്കുകയാണ്. മറ്റുളളവരെല്ലാം സമ്ബര്ക്ക വിലക്കില് തുടരുകയാണ്.
അമ്മയ്ക്ക് കുറച്ചു ദിവസങ്ങളായി വിശപ്പില്ലായ്മ അനുഭവപ്പെട്ടിരുന്നുവെന്നും തുടര്ന്നു നടത്തിയ പരിശോധനയിലാണ് കൊവിഡ് ബാധ കണ്ടെത്തിയതെന്നും അനുപം ഖേര് പറയുന്നു. 'അമ്മയ്ക്കൊപ്പം താമസിക്കുന്നു എന്നിതാല് ഞാനും സഹോദരന് രാജീവും പിന്നാലെ പരിശോധന നടത്തി. എന്റെ ടെസ്റ്റ് നെഗറ്റീവ് ആയിരുന്നുവെങ്കിലും രാജീവിന്റേത് പോസിറ്റീവ് ആയിരുന്നു', അനുപം ഖേര് പറഞ്ഞു.
തടസ്സങ്ങളൊന്നുമില്ലാതെ വേഗത്തില് അമ്മയെ അഡ്മിറ്റ് ചെയ്ത ആശുപത്രി അധികൃതര്ക്കും വീഡിയോയില് അനുപം ഖേര് നന്ദി പറയുന്നുണ്ട്. പ്രായമായവര്ക്ക് കൊവിഡ് പരിശോധന നടത്തേണ്ടതിന്റെ ആവശ്യകതയെക്കുറിച്ചും അദ്ദേഹം ഓര്മ്മിപ്പിക്കുന്നു. കൂടാതെ സഹോദരന്റെ വീട് ശുചിത്വവല്ക്കരിക്കുകയാണെന്ന് പറഞ്ഞ് അദ്ദേഹം വീഡിയോ അവസാനിപ്പിച്ചു. സോനം കപൂര്, രണ്വീര് ഷോറെ, മുകേഷ് ഛബ്ര, നീല് നിതിന് മുകേഷ് തുടങ്ങി ബോളിവുഡിലെ നിരവധി പ്രമുഖര് അനുപം ഖേറിന്റെ കുടുംബത്തിന് വേഗത്തിലുള്ള സൗഖ്യം ആശംസിച്ച് രംഗത്തെത്തിയിട്ടുണ്ട്.
https://www.facebook.com/Malayalivartha