ആക്ഷന്‍ ത്രില്ലര്‍ സിനിമ 'സുരേഷ് ഗോപി' എന്ന ചിത്രം വെള്ളിത്തിരയിലേക്ക്
കൃഷ്ണ കാവ്യാ ക്രീയേഷന്‍സിന്റെ ബാനറില്‍ വി ആര്‍ ഗോപന്‍ നായര്‍ ആണ് നിര്‍മ്മാണം ചെയ്യുന്ന ആക്ഷന്‍ ത്രില്ലര്‍ സിനിമ 'സുരേഷ് ഗോപി' വെള്ളിത്തിരയിലെത്തുന്നു. ഐ ഫോണ്‍ 11 പ്രൊ മാക്‌സ് മൊബൈല്‍ ക്യാമറയില്‍ ഷൂട്ടുചെയ്യുന്ന ആദ്യത്തെ ഇന്ത്യന്‍ സിനിമയാണ് 'സുരേഷ് ഗോപി' എന്ന മലയാള ചിത്രം . ജുബില്‍ രാജന്‍ പി ദേവ് , നിര്‍മല്‍ പാലാഴി എന്നിവര്‍ പ്രധാന വേഷങ്ങള്‍ കൈകാര്യം ചെയ്യുന്നു. ഒപ്പം സജി സോപാനം , ഷെമീസ് അസ്സീസ് , അനുപമ , മിയ തുടങ്ങിയവരോടൊപ്പം മറ്റു പ്രമുഖ താരങ്ങളും അഭിനയിക്കുന്നു .
നവാഗതനായ കാര്‍ത്തിക് സനീഷ് ബോസ് രചനയും സംവിധാനവും നിര്‍വഹിക്കുന്ന ഈ റിയലിസ്റ്റിക് ചിത്രം സ്‌പോട്ട് റെക്കോര്‍ഡിങ്ങിലൂടെ (ടഥചഇ ടഛഡചഉ) യാണ് ജനങ്ങളിലേക്കെത്തുന്നത് .
മലയാളത്തിലെയും തമിഴിലെയും പ്രമുഖ സംവിധായകരുടെ അസ്സോസിയേറ്റ് ആയി പ്രവര്‍ത്തിച്ച കാര്‍ത്തിക് സനീഷ് ബോസിന്റെ ആദ്യ ചിത്രം എന്ന പ്രത്യേകതയും കൂടി ഈ സിനിമക്കുണ്ട്.കട്ടപ്പനയും പരിസര പ്രദേശങ്ങളുമാണ് ചിത്രത്തിന്റെ പ്രധാന ലൊക്കേഷന്‍. ജൂലായില്‍ ചിത്രീകരണം ആരംഭിച്ചേക്കും എന്നാണ് പുറത്ത് വരുന്ന റിപ്പോര്‍ട്ടുകള്‍ .
ക്യാമറ കൈകാര്യം ചെയുന്നത് അനില്‍ കെ ചാമിയാണ്. പ്രൊഡക്ഷന്‍ കണ്‍ട്രോളര്‍ ബാദുഷ. പ്രൊജക്റ്റ് ഡിസൈനര്‍ റോയ് , എഡിറ്റിംഗ് സോണി വര്‍ഗ്ഗീസ് ജോസഫ്, അസ്സോസിയേറ്റ് ഡയറക്ടര്‍ ഷിജാന്ത് വാസുദേവ് , സബിന്‍ കാട്ടുങ്കല്‍, പ്രൊഡക്ഷന്‍ മാനേജര്‍ അസീം കോട്ടൂര്‍, ആക്ഷന്‍ ഡ്രാഗണ്‍ ജിറോഷ്, പി.ആര്‍.ഓ. എം കെ ഷെജിന്‍ ആലപ്പുഴ എന്നിവരാണ് .
https://www.facebook.com/Malayalivartha
