സെലിബ്രറ്റികൾ സോഷ്യൽ മീഡിയയിൽ ചിത്രങ്ങളെ പങ്കുവെക്കുമ്പോൾ അതിനെ വിമർശിക്കുന്നവരും മോശം കമെന്റ് ഇടുന്നവരും ധാരാളമാണ്.അതിൽ പ്രതികരിച്ച് പല നടി നടന്മാരും എത്താറുണ്ട്.ചിലർ നിയമ നടപടിക്കൊരുങ്ങും. വേണ്ടാ വേണ്ടായെന്ന് പറഞ്ഞ് ഒട്ടു മിക്കവരും ഒഴിവാക്കുവാൻ ശ്രമിക്കുമ്പോഴും ഇവർ വീണ്ടും വരും. അപ്പോഴാണ് അത്തരത്തിൽ ഉള്ളവരെ സെലിബ്രിറ്റികൾ സമൂഹത്തിന് മുന്നിൽ തുറന്ന് കാട്ടുന്നതും സൈബർ പൊലീസിന് മുന്നിൽ എത്തിക്കുന്നതും. അത്തരത്തിൽ ഒരുത്തനെ സമൂഹത്തിന് മുന്നിലേക്ക് തുറന്ന് കാട്ടിയിരിക്കുകയാണ് നടി വീണ നായർ.

മോശമായി കമന്റിട്ടവന്റെ പ്രൊഫൈൽ അടക്കമാണ് താരം പങ്ക് വെച്ചിരിക്കുന്നത്. “ഓരോ നെഗറ്റീവ് കമൻസ് കാണുമ്പോഴും പോട്ടെ പോട്ടെ എന്ന് വെക്കും, ഇനി അത് പറ്റില്ല, നീ ഏതവൻ ആയാലും 24 മണിക്കൂറിനുള്ളിൽ നീ ചെയ്തതിന് നിയമപരമായി തന്നെ അനുഭവിക്കും…” എന്നാണ് വീണ നായർ ക്യാപ്ഷൻ കുറിച്ചിട്ടുള്ളത്. വെള്ളിമൂങ്ങയിലൂടെ പ്രേക്ഷകരുടെ മനസ്സിൽ ഇടം പിടിച്ച വീണ നായർ ടെലിവിഷൻ രംഗത്തും നിരവധി ആരാധകർ ഉള്ളൊരു നടിയാണ്. ബിഗ് ബോസ്സിൽ പങ്കെടുത്തതോടെ ആരാധകരുടെ എണ്ണത്തിൽ വർദ്ധനവും ഉണ്ടായിട്ടുണ്ട്.

വീണ നായരുടെതായി വരാറുളള മിക്ക സോഷ്യല്‍ മീഡിയ പോസ്റ്റുകളും ആരാധകര്‍ ഏറ്റെടുക്കാറുണ്ട്. കഴിഞ്ഞ ദിവസം നടി അശ്വതി തോമസ് വീണയെ ചലഞ്ച് ചെയ്ത് രംഗത്തെത്തിയത് വാര്‍ത്തകളില്‍ ഇടംപിടിച്ചിരുന്നു. ഒമ്പത് മാസം കൊണ്ട് ശരീരഭാരം കുറച്ച അശ്വതി തുടര്‍ന്ന് തന്റെ സുഹൃത്തുക്കളെയും ഇതിനായി ക്ഷണിക്കുകയായിരുന്നു.പിന്നാലെ അശ്വതിയുടെ ചലഞ്ച് ഏറ്റെടുക്കുന്നുവെന്ന് പറഞ്ഞ് വീണയും രംഗത്തെത്തിയിരുന്നു. എടീ അച്ചു...ഇത് എന്നോട് വേണ്ടിയിരുന്നില്ല..എന്നാലും ഞാന്‍ ഏറ്റെടുക്കുന്നു.

അതേസമയം താന്‍ പങ്കുവെച്ച കുറിപ്പ് ഒരു മാധ്യമം തലക്കെട്ടിലൂടെ വളച്ചൊടിച്ചതിനെതിരെ വീണ നായര്‍ രംഗത്തെത്തിയിരുന്നു. അവര്‍ നല്‍കിയ തലക്കെട്ടിന്റെ സ്‌ക്രീന്‍ ഷോട്ട് പങ്കുവെച്ചുകൊണ്ടായിരുന്നു വീണയുടെ പുതിയ പോസ്റ്റ്.വാര്‍ത്ത ഒക്കെ കൊടുത്തോ.. അതിനൊന്നും യാതൊരു പ്രശ്‌നോമില്ല..പക്ഷെ തലക്കെട്ടുകള്‍ മെനക്കു കൊടുത്തൂടെ..ഇച്ചിരി വണ്ണം കൊറക്കാനല്ലേ അശ്വതി പറഞ്ഞൊള്ളൂ..ഇതുകണ്ടാല്‍ അവള്‍ക്കു എന്നോട് എന്തോ പക മനസ്സില്‍ വെച്ച് വെല്ലുവിളിച്ച പോലൊണ്ട്. പിന്നെയ് എന്റെ ഫോട്ടോ കൊടുക്കുമ്പോള്‍ എന്നെ ഒന്ന് വിളിച്ചാ മതി ഞാന്‍ നല്ല ഫോട്ടോ തരാം.. അല്ലേല്‍ ഗൂഗിള്‍ നോക്ക് കിട്ടും. ബിഗ്ബോസ്സിലെ ഫോട്ടോ ഇടണം എന്നില്ല..പിന്നെ ഒന്ന് കൂടുണ്ട്.. വാര്‍ത്തകള്‍ നല്ലതാണ്.. പക്ഷെ തലക്കെട്ടുകള്‍ വളച്ചു ഒടിക്കേണ്ട, വീണ നായര്‍ തന്റെ ഫേസ്ബുക്ക് പേജില്‍ കുറിച്ചു.