മലയാളികളുടെ ഇഷ്ടതാരമാണ് നടൻ കൃഷ്ണകുമാറും മക്കളും. എല്ലാവരും സോഷ്യൽമീഡിയയിലും സജീവമാണ്. ഇപ്പോഴിതാ ലോക്ഡൗണ്‍ സംബന്ധിച്ചുള്ള പരാമര്‍ശവും സൈബര്‍ ബുള്ളിംഗ് വീഡിയോയുമായും വിവാദത്തില്‍ ആയ അഹാന കൃഷ്ണ വീണ്ടും വിവാദത്തിലായിരിക്കുകയാണ്,.

ദുൽഖർ നായകനായി എത്തുന്ന കുറുപ്പ് സിനിമയുടെ പ്രമോ വിഡിയോയെക്കുറിച്ച്‌ സമൂഹമാധ്യമത്തിലിട്ട കമന്റാണ് പുതിയ വിവാദങ്ങള്‍ക്ക് കാരണം. ദുല്‍ഖര്‍ സല്‍‌മാന്റെ പിറന്നാള്‍ ദിനമായ ഇന്നലെയാണ് 'കുറുപ്പ്' സിനിമയുടെ പ്രമോ വീഡിയോ റിലീസ് ചെയ്തത്.

സമൂഹമാധ്യമത്തില്‍ വന്ന വിഡിയോയുടെ താഴെ 'നല്ല വിഡിയോ പക്ഷേ മോശം തമ്ബ്നെയില്‍ - നിങ്ങളെന്നു പഠിക്കും ?' എന്നാണ് അഹാനയുടെ കമന്റ്. ഇതിനു കുറുപ്പിന്റെ ഒഫിഷ്യല്‍ അക്കൗണ്ട് എന്ന അവകാശപ്പെടുന്ന പേജില്‍ നിന്ന് മറുപടിയും എത്തി.

'അതിന് നീയേതാ ?' എന്നാണ് അവരുടെ മറുപടി. ഇതിനു പിന്നാലെ അഹാന കമന്റ് ഡിലീറ്റ് ചെയ്യുകയും ചെയ്തു. എന്നാല്‍ ഇൗ കമന്റിന്റെ സ്ക്രീന്‍ഷോട്ട് അപ്പോഴേക്ക് വൈറലായി.