അവതാരകയും നടിയുമായ പേളി മാണി താന്‍ അമ്മയാകാന്‍ പോകുന്ന വിവരം സോഷ്യല്‍ മീഡിയയിലൂടെ അറിയിച്ചിരിക്കുകയാണ്. 'ഞങ്ങള്‍ പ്രൊപ്പോസ് ചെയ്ത് രണ്ട് വര്‍ഷമാകുന്നു. ഇന്ന് അദ്ദേഹത്തിന്റെ ഒരു ഭാഗം എന്നുള്ളില്‍ വളരുന്നു. ഞങ്ങള്‍ നിന്നെ സ്‌നേഹിക്കുന്നു ശ്രീനിഷ്' എന്ന് പേളി സോഷ്യല്‍ മീഡിയയില്‍ കുറിച്ചു.

തങ്ങളുടെ കുഞ്ഞിന് എല്ലാവരുടെയും അനുഗ്രഹവും പ്രാര്‍ത്ഥനകളും വേണമെന്നും പേളി കുറിച്ചിട്ടുണ്ട്. കഴിഞ്ഞ വര്‍ഷമാണ് പേളിയും ശ്രീനിഷും വിവാഹിതരായത്. ബിഗ് ബോസ് റിയാലിറ്റി ഷോയിലൂടെയാണ് അവതാരകയും നടിയുമായ പേളിയും നടന്‍ ശ്രീനിഷും തമ്മില്‍ പ്രണയത്തിലാകുന്നത്.