നടി മിയയുടെ മനസമ്മതം ആയിരുന്നു കഴിഞ്ഞ ദിവസം. പള്ളിയിൽ വച്ചു നടന്ന ചടങ്ങിന്റെ വിഡിയോ ആണ് സമൂഹമാധ്യമങ്ങളിലൂടെയാണ് പുറത്തുവന്നത്. ബിസിനസ്കാരൻ അശ്വിനാണ് മിയയുടെ വരൻ.

കഴിഞ്ഞ ജൂൺ ആദ്യമായിരുന്നു മിയയുടെയും അശ്വിന്റെയും വിവാഹനിശ്ചയം. അശ്വിന്റെ വീട്ടിൽവച്ചാണ് ചടങ്ങുകൾ നടന്നത്.

ലൈറ്റ് പിങ്ക് നിറമുള്ള ലെഹങ്കയില്‍ നിറയെ വര്‍ക്കുകളുള്ള വസ്ത്രത്തില്‍ അതീവ സുന്ദരിയായിട്ടായിരുന്നു മനസമ്മതത്തിന് മിയ എത്തിയത്.

വെള്ള ഷര്‍ട്ടില്‍ ഇളംനീല നിറമുള്ള ഓവര്‍കോട്ട് ആയിരുന്നു അശ്വിന്റെ വസ്ത്രം. അടുത്ത ബന്ധുക്കളും സുഹൃത്തുക്കളും മാത്രമാണ് മനസമ്മതത്തിലും പങ്കെടുത്തിരിക്കുന്നത്. കോവിഡ് പ്രശ്‌നങ്ങളുള്ളതിനാല്‍ എല്ലാ മുന്‍കരുതലുകളും താരകുടുംബം സ്വീകരിച്ചിരുന്നു.

മാട്രിമോണി സൈറ്റിൽ നിന്നാണ് മിയക്കായി അമ്മ വരനെ കണ്ടെത്തിയത്. ആയിരത്തോളം പ്രൊഫൈലുകളിൽ നിന്നുമാണ് മിയയുടെ അമ്മ ഒടുവിൽ അശ്വിനെ കണ്ടെത്തിയത്.

ബംഗളൂരുവിലും ഇംഗ്ലണ്ടിലും പഠനം കഴിഞ്ഞ അശ്വിൻ യു.കെ.യിലും യു.എ.ഇ.യിലും ബിസിനസ് ചെയ്ത ശേഷം നാട്ടിലേക്കു തിരികെയെത്തുകയായിരുന്നു.

ഡ്രൈവിംഗ്, സ്പോർട്സ് പോലുള്ള സമാന ഇഷ്‌ടങ്ങൾ ഇരുവർക്കുമുണ്ട്. മിയക്ക് സംസാരിക്കാനാണിഷ്‌ടമെങ്കിൽ അശ്വിന് കേൾക്കാനാണ് താൽപ്പര്യം. കല്യാണം കഴിഞ്ഞാലും മിയ അഭിനയിക്കുന്നതിൽ അശ്വിന് വിരോധമൊന്നുമില്ലെന്നും ഇരുവരും നേരത്തെ പറഞ്ഞിട്ടുണ്ട്.