ഇപ്പോള്‍ സോഷ്യല്‍ മീഡിയയില്‍ ചര്‍ച്ച സണ്ണി ലിയോണിന്റെ കോളേജ് പ്രവേശനമാണ്. കൊല്‍ക്കത്തയിലെ ഒരു കോളജില്‍ ഇം​ഗ്ലീഷ് ബിരുദത്തിന് പ്രവേശനം എടുക്കാന്‍ വന്ന വിദ്യാര്‍ത്ഥികള്‍ പ്രവേശനത്തിനുള്ള മെറിറ്റ്‌ പട്ടികയില്‍ ഒന്നാംസ്ഥാനത്ത് സണ്ണി ലിയോണിയുടെ പേരാണ്.

അശുതോഷ് കോളജ് വ്യാഴാഴ്ച ഓണ്‍ലൈനില്‍ പ്രസിദ്ധീകരിച്ച ബിഎ ഇംഗ്ലീഷ്(ഓണേഴ്സ്) പ്രവേശനത്തിനുള്ള ആദ്യ പട്ടികയിലാണ് താരത്തിന്റെ പേര് ഇടംപിടിച്ചത്. ആപ്ലിക്കേഷന്‍ ഐഡി, റോള്‍ നമ്ബര്‍ എന്നിവ സഹിതമാണ് പേര് പട്ടികയിലുള്ളത്. പേരിന് പുറമെ പ്ലസ് ടു പരീക്ഷയില്‍ നാല് വിഷയങ്ങള്‍ക്ക് ഫുള്‍ മാര്‍ക്ക് നേടിയിട്ടുണ്ടെന്നും ഇതില്‍ വ്യക്തമാക്കുന്നു.

എന്നാല്‍ സണ്ണിയുടെ കോളജ് പ്രവേശനം വാര്‍ത്തകളില്‍ നിറഞ്ഞതോടെ രസകരമായ പ്രതികരണവുമായി താരം രം​ഗത്തെത്തി. എല്ലാവരേയും അടുത്ത സെമസ്റ്ററില്‍ കാണാം, നിങ്ങള്‍ എന്റെ ക്ലാസിലുണ്ടാകുമെന്ന് പ്രതീക്ഷിക്കുന്നു- എന്നായിരുന്നു താരം ട്വീറ്റ് ചെയ്തത്. അതിന് താഴെ രസകരമായ ട്രോളുകളും നിറയുന്നുണ്ട്.

സംഭവം വിവാദമായതോടെ കോളേജ് മാനേജ്മെന്റ് വിശദീകരണവുമായി രം​ഗത്തെത്തി. ആരോ മനഃപൂര്‍വം ചെയ്തതാണിതെന്നാണ് കോളജിന്റെ വിശദീകരണം. ഇത് തിരുത്താന്‍ ബന്ധപ്പെട്ട വകുപ്പിനോട് ആവശ്യപ്പെട്ടിട്ടുണ്ടെന്നും സംഭവത്തെക്കുറിച്ച്‌ അന്വേഷണം നടത്തുമെന്നും കോളജ് അധികൃതര്‍ അറിയിച്ചു.