ഫിറ്റ്‌നസിലും അഭിനയത്തിലും ഒരുപോലെ ശ്രദ്ധ പുലര്‍ത്തുന്ന വ്യക്തിയാണ് ടൊവിനോ. തന്റെ വര്‍ക്ക്ഔട്ട് ചിത്രങ്ങള്‍ സോഷ്യല്‍ മീഡിയയില്‍ പങ്കുവയ്ക്കാറുണ്ട്. അടുത്തിടെ അച്ഛനൊപ്പമുള്ള വര്‍ക്കൗട്ട് ചിത്രങ്ങളും താരം പങ്കുവച്ചിരുന്നു. ടോവിനോയുടെ വര്‍ക്ക് ഔട്ട്ചിത്രങ്ങള്‍ നിമിഷ നേരം കൊണ്ടാണ് സമൂഹ മാധ്യങ്ങളില്‍ വൈറലായത് .എന്നാലിപ്പോഴിതാ ടൊവിനോയെ വെല്ലുവിളിച്ച് രംഗത്തെത്തിയിരിക്കുകയാണ് മലയാളികളുടെ പ്രിയ താരം നടന്‍ അജു വര്‍ഗീസ്.

ടൊവിനോയുടെ ചിത്രങ്ങള്‍ പങ്കുവച്ച് 'എന്റെ പൊന്നളിയാ നമിച്ചു.അസൂയ ആണത്രേ അസൂയ..ആര്‍ക്കാണെലും അസൂയ ഉണ്ടാകും..ഫ്രിഡ്ജില്‍ കേറ്റണോ? അഞ്ചാം പാതിരാ' എന്ന് അജു വര്‍ഗീസ് സോഷ്യല്‍ മീഡിയയില്‍ കുറിച്ചിരുന്നു. പിന്നാലെ മസില്‍ പെരുപ്പിച്ചുള്ള തന്റെ പുതിയ ചിത്രങ്ങള്‍ അജു പങ്കുവച്ചിരിക്കുകയാണിപ്പോള്‍ . 'ഒന്നും നോക്കിയില്ല.രാവിലെ 5 മണിക്ക് തന്നെ തുടങ്ങി.എഡിറ്റിംഗ്..ഇന്നാ പിടിച്ചോ..' എന്നാണ് ഫോട്ടോഷോപ്പ് ചെയ്ത ചിത്രങ്ങള്‍ പങ്കുവച്ച് അജു കുറിച്ചത്.
അജുവിന്റെ ചിത്രങ്ങള്‍ക്ക് നടിമാരും കമന്റ് ചെയ്തിട്ടുണ്ട്. 'കില്ലര്‍ എന്റെ പൊന്ന് അജുവേ' എന്നാണ് നടി മമംത മോഹന്‍ദാസിന്റെ കമന്റ്. 'ഹല്ല മിസ് പെരേര..ഇതൊക്കെ ചുമ്മാ സാമ്ബിള്‍ അല്ലേ..ഞാന്‍ ഇനിയും ഞെട്ടിക്കും' എന്നാണ് അജുവിന്റെ മറുപടി. എന്നാല്‍ ഇത്ര പെട്ടെന്ന് വേണ്ടായിരുന്നു എന്നാണ് നടി ജോമോള്‍ പറയുന്നത്. വാശിപ്പിടിപ്പിച്ചു പിന്നെ പറയണോ എന്ന് അജുവും. ആ കാലിലും ചങ്ങല ഇടണമായിരുന്നു എന്നാണ് നടന്‍ ഷറഫുദ്ദീന്റെ കമന്റ്. റിമി ടോമി, പേളി മാണി, നവ്യ നായര്‍,അഹാന കൃഷ്ണ, തുടങ്ങിയ താരങ്ങളും ചിത്രത്തിന് കമന്റുകളുമായി എത്തി.