വളരെ ചെറുപ്പത്തിൽ തന്നെ കലാലോകത്തിൽ എത്തിച്ചേർന്ന ഒരു താരമാണ് ഷംന കാസിം. നൃത്തത്തിന്റെ ലോകത്തു ഷംന തന്റെ കാലുകൾ താളം ചവിട്ടി തുടങ്ങിയ ഷംന ലോകത്തിനു മുന്നിൽ പരിചിതയായത് ഒരു ഡാൻസ് റിയാലിറ്റി ഷോയിലൂടെ ആണ്.

2004 ൽ മഞ്ഞു പോലെയൊരു പെൺകുട്ടി എന്ന സിനിമയിലൂടെ ആണ് ഷംന സിനിമ ലോകത്തു എത്തുന്നത്. ആദ്യമെല്ലാം ചെറിയ വേഷങ്ങളിലാണ് ഷംന അഭിനയിച്ചത്. പിന്നീട് തെലുങ്കിലേക്കും തമിഴിലേക്കും ഷംന ചുവടുമാറി.

അവിടെ കുറച്ചു കൂടെ നല്ല വേഷങ്ങൾ താരത്തെ കാത്തിരിക്കുന്നുണ്ടായിരുന്നു ലോകമെമ്പാടുമുള്ള വേദികളിൽ നൃത്തം ചെയ്യാനുള്ള ഭാഗ്യം സിദ്ധിച്ച ഒരാൾ കൂടെയായിരുന്നു ഷംന. അടുത്തിടെ ഒരു മാധ്യമത്തിന് നൽകിയ അഭിമുഖത്തിൽ ഷംന തന്റെ വിശേഷങ്ങളെ കുറിച്ചും, വിവാഹ സ്വപ്നങ്ങളെ കുറിച്ചുമെല്ലാം സംസാരിച്ചിരുന്നു.

തനിക്ക് ഒരു പ്രണയമുണ്ടായിരുന്നു എന്നും പരസ്പ്പര ധാരണയോടെ ആണ് ആ ബന്ധം അവസാനിപ്പിച്ചത് എന്നും ഷംന പറയുന്നു. ഒരു ആദ്യ രാത്രി താന്‍ കുളമാക്കിയിട്ടുണ്ടെന്നും വിവാഹ രാത്രിയുടെ അന്ന് തനിക്ക് ഒരു പണി കിട്ടാൻ സാധ്യത ഉണ്ടെന്നാണ് ഷംന പറയുന്നത്.ഷംനയുടെ വാക്കുകൾ ഇങ്ങനെ.

വീട്ടില്‍ എല്ലാവരുടെയും സമ്മതത്തോടെ വേണം എന്റെ വിവാഹം എന്ന് മമ്മിക്ക് നിര്‍ബന്ധമാണ്. ആ പ്രണയത്തിന്റെ കാര്യത്തില്‍ അത് നടക്കില്ലെന്ന് ഉറപ്പായിരുന്നു. ഞാന്‍ ഒരാളുടെ ആദ്യ രാത്രി കുളമാക്കിയിട്ടുണ്ട്.അത് ഓര്‍ക്കുമ്പോള്‍ എനിക്ക് പേടിയുമുണ്ട്.

കാരണം അവര്‍ ചലഞ്ച് ചെയ്തിട്ടുണ്ട്. എന്റെ ആദ്യരാത്രി അവരും കുളമാക്കി കൈയില്‍ തരുമെന്ന് എനിക്ക് നാല് വയസുള്ളപ്പോഴാണ് മൂത്ത ഇത്താത്തയുടെ വിവാഹം. വിവാഹം കഴിഞ്ഞ് ആദ്യദിനം രാത്രിയായപ്പോള്‍ ഞാന്‍ നേരെ ഇത്താത്തയുടെ മുറിയിലെ കട്ടിലില്‍ സ്ഥാനം പിടിച്ചു.

ഇത് കണ്ട് ഇക്കാക്കയുടെ കിളി പോയി. ഞാന്‍ പറഞ്ഞു, ഇക്കാക്ക കിടന്നോളൂ, ഞാന്‍ ഇവിടെ സൈഡില്‍ ഇത്താത്തയുടെ അടുത്താ കിടക്കുന്നേ എന്ന്. എന്റെ മമ്മി ഓടി വന്നു. ഇന്ന് മോള് എന്റെയടുത്ത് കിടക്കാന്‍ പറഞ്ഞു.

എന്നാല്‍ ഞാന്‍ നടക്കൂല്ല, ഇത്താത്തയുടെ കൂടെ മാത്രമേ കിടക്കൂ എന്ന് ഞാനും. ബന്ധുക്കള്‍ പല മോഹന വാഗ്ദാനങ്ങളുമായി എത്തി. എനിക്ക് ഒരു കുലുക്കവുമില്ല. ഒടുവില്‍ ഇക്കാക്ക പറഞ്ഞു, സാരമില്ല ഇവിടെ കിടന്നോട്ടെ എന്ന്.

ഇനിയാണ് ട്വിസ്റ്റ്, ചെറുപ്പത്തില്‍ എനിക്ക് ബെഡ്ഡില്‍ മൂത്രമൊഴിക്കുന്ന അസുഖമുണ്ടായിരുന്നു. അന്ന് രാത്രി ഞാനവരുടെ ബെഡില്‍ മൂത്രമൊഴിക്കുകയും ചെയ്തു. ഇക്കാക്ക ഇപ്പോഴും അത് പറഞ്ഞ് എന്നെ കളിയാക്കും.