ലോക്ഡൗണ് കാലം എവിടെയായിരുന്നു... പറയാതെ പറഞ്ഞ് സായ് പല്ലവി
മലയാളികള്ക്ക് അത്രപെട്ടെന്ന് മറക്കാനാവില്ല മലര് മിസ്സിനെ. സ്വാഭാവികമായ അഭിനയശൈലി കൊണ്ട് പ്രേക്ഷകരെ വിസ്മയിപ്പിക്കുന്ന താരമാണ് സായ് പല്ലവി. ലോക്ക്ഡൌണ് കാലത്ത് താരങ്ങളെല്ലാം സോഷ്യല് മീഡിയയില് സജീവമായപ്പോഴും സായ് പല്ലവിയെ അത്ര സജീവമായിരുന്നില്ല. ഇപ്പോഴിതാ, അതിനുള്ള കാരണം വ്യക്തമാക്കുന്ന സായ് പല്ലവിയുടെ പുതിയ ചിത്രങ്ങളാണ് സോഷ്യല് മീഡിയയില് വൈറലാവുന്നത്. ട്രിച്ചി യിലെ ഒരു കോളേജില് പരീക്ഷ എഴുതാന് എത്തിയ സായ് പല്ലവിയെയാണ് ചിത്രങ്ങളില് കാണാന് സാധിക്കുക.
2016ല് സായ് പല്ലവി തന്റെ മെഡിക്കല് പഠനം പൂര്ത്തിയാക്കിയിരുന്നെങ്കിലും താരം മെഡിക്കല് പ്രാക്റ്റീസ് തുടങ്ങിയിരുന്നില്ല. ആഗസ്റ്റ് 31ന് ട്രിച്ചിയിലെ ഒരു സ്വകാര്യ കോളേജില് പരീക്ഷയ്ക്ക് എത്തിയതായിരുന്നു സായ് പല്ലവി. താരത്തെ നേരിട്ട കണ്ടതോടെ സെല്ഫി എടുക്കാനും ഓട്ടോഗ്രാഫ് വാങ്ങാനും മറ്റുമായി കോളേജിലെ സ്റ്റാഫും കുട്ടികളും സായിയെ പൊതിഞ്ഞു. അതിന്റെ ചിത്രങ്ങളും വീഡിയോകളുമാണ് ഇപ്പോള് സമൂഹമാധ്യമങ്ങളുടെ ശ്രദ്ധ കവരുന്നത്. ലോക്ക്ഡൗണ്കാലത്ത് പരീക്ഷയ്ക്കായി തയ്യാറെടുക്കുകയായിരുന്നു സായ്.
'പ്രേമം' എന്ന മലയാളചിത്രത്തിലൂടെ അരങ്ങേറ്റം കുറിച്ച സായ് ഇന്ന് തമിഴ്, തെലുങ്ക് ഭാഷകളിലെയും മിന്നും താരമാണ്. സെല്വരാഘവന് സംവിധാനം ചെയ്ത 'എന്ജികെ' എന്ന ചിത്രമായിരുന്നു ഒടുവില് തിയേറ്ററുകളിലെത്തിയ സായ് പല്ലവി ചിത്രം. ചിത്രത്തില് സൂര്യയുടെ ഭാര്യയായാണ് സായ് വേഷമിട്ടത്.
ബാഹുബലി താരം റാണാ ദഗ്ഗുബാട്ടി നായകനാവുന്ന 'വിരാടപര്വ്വം' എന്ന തെലുങ്ക് ചിത്രമാണ് സായിയുടേതായി ഇനി പുറത്തിറങ്ങാനുള്ളത്. സായിയുടെ പിറന്നാള് ദിനത്തില് ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസ് ചെയ്തിരുന്നു. യഥാര്ത്ഥ സംഭവങ്ങളില് നിന്നും പ്രചോദനം ഉള്കൊണ്ട് നിര്മ്മിക്കുന്ന ചിത്രമാണിതെന്ന് സംവിധായകന് മുന്പു തന്നെ വ്യക്തമാക്കിയിരുന്നു. തെലുങ്കാനയിലെ കരിംനഗര്, വാറങ്കല് ജില്ലകളിലാണ് ചിത്രം ഷൂട്ട് ചെയ്തത്.
https://www.facebook.com/Malayalivartha
