ആന്റണി പെരുമ്പാവൂരിന്റെ മകളുടെ വിവാഹനിശ്ചയത്തില് പങ്കെടുത്ത് മോഹന്ലാലും കുടുംബവും
ആന്റണി പെരുമ്ബാവൂരിന്റെ മകളുടെ വിവാഹ നിശ്ചയം കഴിഞ്ഞതിന്റെ ചിത്രങ്ങളാണ് ഇപ്പോള് സോഷ്യല് മീഡിയയില് വൈറലാകുന്നത്. ഫാന്സ് പേജുകളിലൂടെയും ഗ്രൂപ്പുകളിലൂടെയും മറ്റുമൊക്കെയായാണ് ചിത്രങ്ങള് പ്രചരിക്കുന്നത്. കുടുംബസമേതമായാണ് മോഹന്ലാല് ഈ ചടങ്ങില് പങ്കെടുത്തത്. വിസ്മയ വിദേശത്തായതിനാല് ചടങ്ങില് പങ്കെടുക്കാന് എത്തിയിരുന്നില്ല. നിരവധി പേരാണ് ചിത്രങ്ങള്ക്ക് കീഴില് ആശംസ അറിയിച്ച് എത്തിയിട്ടുള്ളത്.മോഹന്ലാലിലേക്ക് എത്താനുള്ള വഴിയാണ് ആന്റണിയെന്നാണ് സിനിമാപ്രവര്ത്തകര് പറയാറുള്ളത്. കഥയും തിരക്കഥയുമൊക്കെ അദ്ദേഹത്തിന് ഇഷ്ടമായാല് താരം സിനിമ സ്വീകരിക്കുമെന്നും പലരും പറഞ്ഞിരുന്നു. മോഹന്ലാലും ആന്റണിയും മാത്രമല്ല അവരുടെ കുടുംബാംഗങ്ങള് തമ്മിലും ആ സൗഹൃദം നിലനിര്ത്തുന്നുണ്ട്.
ഒരേ നിറത്തിലുള്ള വസ്ത്രങ്ങളണിഞ്ഞായിരുന്നു പ്രണവും സുചിത്രയും എത്തിയത്. ചന്ദനക്കളര് മുണ്ടും കുര്ത്തിയുമണിഞ്ഞായിരുന്നു മോഹന്ലാല് എത്തിയത്. ആന്റണിയുടെ കുടുംബാംഗങ്ങളും അതേ നിറത്തിലുള്ള വസ്ത്രങ്ങളായിരുന്നു അണിഞ്ഞത്. പൊതുവേദികളിലും മറ്റുമായി അപൂര്വ്വമായി മാത്രമേ പ്രണവിനെ കാണാറുള്ളൂ. കുര്ത്തിയും മുണ്ടുമണിഞ്ഞായിരുന്നു പ്രണവ് എത്തിയത്. അമ്മയ്ക്കും അച്ഛനും പ്രതിശ്രുത വധൂവരന്മാര്ക്കുമൊപ്പമുള്ള പ്രണവിന്റെ ചിത്രങ്ങളും ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. കുടുംബസമേതമായി മോഹന്ലാലിനെ കാണാന് കഴിഞ്ഞതിന്റെ സന്തോഷത്തിലായിരുന്നു ആരാധകര്.
https://www.facebook.com/Malayalivartha