രണ്ട് വര്‍ഷങ്ങള്‍ക്ക് മുമ്പായിരുന്നു ദിവ്യയുടെ രണ്ടാംവിവാഹം. അമേരിക്കല്‍ മലയാളിയാണ് രണ്ടാം ഭര്‍ത്താവ്. ആദ്യ ബന്ധത്തിലെ രണ്ടുമക്കളും ദിവ്യക്കൊപ്പമുണ്ട്. ദിവ്യ മൂന്നാമതും അമ്മയായത് 8 മാസങ്ങള്‍ക്ക് മുമ്പായിരുന്നു.

തനിക്ക് ഒരു കുഞ്ഞു രാജകുമാരി പിറന്നുവെന്നും ഐശ്വര്യ എന്നാണ് കുഞ്ഞിന്റെ പേരെന്നും ദിവ്യ സോഷ്യല്‍ മീഡിയയിലൂടെ പങ്കുവയ്ക്കുകയായിരുന്നു. കുഞ്ഞിനെ മാറോട് ചേര്‍ത്ത് കിടക്കുന്ന ഒരു ചിത്രവും ദിവ്യ പങ്കുവച്ചു.അഭിനയത്തില്‍ നിന്നും വിട്ടു നില്‍ക്കയാണെങ്കിലും ദിവ്യ സോഷ്യല്‍ മീഡിയയില്‍ സജീവമാണ്.

മകളുടെ ചോറൂണ് ചിത്രങ്ങളും ദിവ്യ പങ്കുവച്ചിരുന്നു. ഇപ്പോള്‍ മകളുടെ ഓണം വിശേഷങ്ങളാണ് ദിവ്യ പങ്കുവയ്ക്കുന്നത്. ജീവിതത്തിൽ മൂന്നാമതും അമ്മയായതിന്റെ സന്തോഷത്തിൽ ആണ് നടി ദിവ്യ ഉണ്ണി.

അടുത്തിടക്കാണ് ദിവ്യയുടെയും അരുണിന്റേയും ജീവിതത്തിലേക്ക് പുതിയ ഒരു അതിഥി കൂടി എത്തുന്നത്. അതിന്റെ സന്തോഷത്തിലാണ് ഇപ്പോൾ ദിവ്യ ഉണ്ണി. മീനാക്ഷിക്കു അർജുനും ശേഷം എത്തിയ കുഞ്ഞതിഥിയ്ക്ക് ദിവ്യയും അരുണും ഐശ്വര്യ ഉണ്ണി അരുൺ കുമാർ എന്ന് പേരും നൽകി.

സോഷ്യല്‍ മീഡിയയിലൂടെ ആരാധകരുമായി വിശേഷങ്ങള്‍ പങ്കുവയ്ക്കാറുള്ള ദിവ്യ ഉണ്ണി ഇപ്പോഴിതാ 17 വര്‍ഷങ്ങള്‍ക്ക് ശേഷം നാട്ടില്‍ മാതാപിതാക്കള്‍ക്കൊപ്പം ഓണം ആഘോഷിക്കാന്‍ കഴിഞ്ഞതിന്റെ സന്തോഷം പങ്കുവെച്ചിരിക്കുകയാണ് ഇപ്പോള്‍. ഇന്‍സ്റ്റഗ്രാമിലാണ് താരം തന്റെ വിലപ്പെട്ട നിമിഷങ്ങള്‍ പങ്കുവെച്ചത്.

'ചിലപ്പോള്‍ ദിനങ്ങളല്ല, നിമിഷങ്ങളാണ് ഓര്‍ത്തുവയ്ക്കുക എന്നത് സത്യമാണ്. 17 വര്‍ഷത്തിനുശേഷം എന്റെ മാതാപിതാക്കള്‍ക്കൊപ്പം ചെലവഴിച്ച ഈ ഓണം എല്ലാഴും വിലപ്പെട്ടതായിരിക്കും.

എന്റെ കുഞ്ഞുമകള്‍ അവരോടൊപ്പം അവളുടെ ആദ്യത്തെ ഓണം ആഘോഷിക്കുന്നത് കാണുന്നത് എന്തിനേക്കാളും വലിയ ആനന്ദമായിരുന്നു. നിങ്ങള്‍ക്കെല്ലാവര്‍ക്കും ഞങ്ങളുടെ സ്‌നേഹം,' കുടുംബത്തിന് ഒപ്പമുള്ള ചിത്രം പങ്കുവച്ച്‌ ദിവ്യ ഉണ്ണി കുറിച്ചു.