യുവനായിക നടിയായ മിയ ജോർജ് വിവാഹിതയായി. മിയയും ബിസിനസുകാരനായ അശ്വിൻ ഫിലിപ്പുമായുള്ള വിവാഹത്തിന് മുന്നോടിയായുള്ള മനസമ്മതം ഈ കഴിഞ്ഞ ഓഗസ്റ്റ് മാസം 24-നായിരുന്നു നടന്നത്.

അതിന് മുമ്പ് അശ്വിന്റെ വീട്ടിൽ വച്ച് വളരെ ലളിതമായി വിവാഹനിശ്ചയം നടത്തിയിരുന്നു. കോവിഡ് മാനദണ്ഡങ്ങൾ പാലിച്ചുള്ള വിവാഹമായിരുന്നു മിയയുടേത്. അടുത്ത ബന്ധുക്കളും സുഹൃത്തുക്കളും മാത്രമേ ചടങ്ങിൽ പങ്കെടുത്തോളൂ.

വിവാഹത്തിന്റെ ഫോട്ടോസും വീഡിയോയും ഇതിനോടകം തന്നെ സോഷ്യൽ മീഡിയയിൽ വൈറലായി കഴിഞ്ഞു. വിവാഹം കഴിഞ്ഞ് പള്ളിയിൽ നിന്ന് പുറത്തിറങ്ങിയ മിയ മാധ്യമങ്ങൾക്ക് മുന്നിൽ എല്ലാവരുടെയും പ്രാർത്ഥനകൾ വേണമെന്ന് പറഞ്ഞിരുന്നു.

‘പുതിയ ജീവിതം തുടങ്ങാൻ പോവുയാണ്. ഒരു പാർട്ടണറെ കിട്ടി.. തീർച്ചയായും എല്ലാവരുടെയും അനുഗ്രഹവും പ്രാർത്ഥനകളും ഉണ്ടാവണം. പാലായിൽ നിന്ന് കൊച്ചിയിലേക്ക് പോവുകയാണ് ഞാൻ.

ഞങ്ങളുടെ പക്കാ അറേഞ്ച്ഡ് മാരിയേജ് ആണ്. സിനിമയിൽ ഇനിയും ഉണ്ടാവുമെന്നും മിയ കൂട്ടിച്ചേർത്തു. നടനും അവതാരകനുമായ ഗോവിന്ദ് പദ്മസൂര്യ ചടങ്ങിൽ പങ്കെടുത്തു. വിവാഹിതിന് മിയ വൈറ്റ് കളറിലുള്ള ഗൗൺ അണിഞ്ഞാണ് എത്തിയത്. അശ്വിൻ ഡാർക്ക് ബ്ലൂ കളർ കോട്ടും സൂട്ടുമാണ് ഇട്ടിരുന്നത്.

സൂര്യ ടി.വിയിൽ സംപ്രേക്ഷണം ചെയ്ത വെള്ളാങ്കണി മാതാവ് എന്ന സീരിയലിന് ശേഷമാണ് മിയ മലയാളികൾക്ക് സുപരിചിതയായത്. അതിന് ശേഷം ഒരു സ്‌മോൾ ഫാമിലി എന്ന സിനിമയിലൂടെ സിനിമാരംഗത്തേക്കും എത്തിയ മിയ മുൻനിര നായികയായി ഇപ്പോഴും സിനിമയിൽ സജീവയാണ്.