സിനിമയിൽ അഭിനയിക്കുന്ന നടിമാർ നേരിടുന്ന ഏറ്റവും പ്രശ്നങ്ങളിൽ ഒന്നായ സൈബർ അതിക്രമങ്ങളുടെ ഒരു സംഭവം അടുത്തിടെ ബാലതാരമായി തിളങ്ങിയ അനശ്വരയ്ക്ക് നേരിടേണ്ടി വന്നിരുന്നു. ഇതേ തുടർന്ന് മലയാള സിനിമയിൽ പല നടിമാരും ആ കുട്ടിക്ക് പിന്തുണ അറിയിച്ചുകൊണ്ട് വേറിട്ട ഒരു പ്രതിഷേധവുമായി രംഗത്തുവന്നു.

അനശ്വരയുടെ കാലുകൾ കാണാമെന്ന് ഡ്രെസിന് ഇറക്കം കുറവായിരുന്നുവെന്നും പറഞ്ഞ കമന്റുകൾ ഇട്ട ഓൺലൈൻ ആങ്ങളമാർക്ക് എതിരെ കാലുകൾ കാണിച്ചുകൊണ്ടുള്ള ഫോട്ടോസ് നടിമാർ പോസ്റ്റ് ചെയ്തിരുന്നു. കുമ്പളങ്ങി നൈറ്റ്‌സിലൂടെ മലയാള സിനിമയിലേക്ക് എത്തിയ നടി അന്ന ബെനും ഇത്തരത്തിൽ പ്രതിഷേധത്തിൽ പങ്കെടുത്തിരുന്നു. എന്നാൽ ഇന്ന് അന്ന പങ്കുവച്ച പുതിയ ഫോട്ടോഷൂട്ട് ചിത്രങ്ങളുടെ താഴെ ഒരാളാണ് ‘ലെഗ് പീസ് ഇല്ലേ..’

എന്ന കമന്റ് ഇടുകയുണ്ടായി. ഇത് ശ്രദ്ധയിൽപ്പെട്ട അന്ന അതിന് കലക്കൻ മറുപടിയും കൊടുക്കുക ഉണ്ടായി. ഹാൻഡ് പീസ് മതിയോ..’ എന്നായിരുന്നു അന്ന ആ കമന്റിന് നൽകിയ മറുപടി.റോസ് ടോമി എടുത്ത ചിത്രങ്ങളായിരുന്നു അന്ന തന്റെ ഇൻസ്റ്റയിൽ പങ്കുവെച്ചിരുന്നത്.

കുമ്പളങ്ങി നൈറ്റിസിന് ശേഷം ഹെലെൻ, കപ്പേള തുടങ്ങിയ സിനിമകളിൽ അഭിനയിക്കുകയും പ്രേക്ഷകരിൽ നിന്ന് മികച്ച അഭിപ്രായം നേടുകയും ചെയ്തു. തിരക്കഥാകൃത്തായ ബെന്നി പി നായരമ്പലത്തിന്റ മകളാണ് അന്ന.