'എപ്പോഴും ചിരിച്ച മുഖത്തോടെ. ആരോടും പരാതിയോ ദേഷ്യമോ കാട്ടാതെ വളരെ ചുറുചുറുക്കോടെ നമ്മോടൊപ്പം ഉണ്ടായിരുന്നു ശബരി. ആര്ക്കും ഒരു ബുദ്ധിമുട്ട് ഉണ്ടാക്കിയതായി ആരും പരാതി പറയില്ല, ഒടുവില് അവസാന യാത്രയിലും അതുപോലെതന്നെ. ആര്ക്കും ഒരു ബുദ്ധിമുട്ടും ഉണ്ടാക്കാതെ...' ശബരീനാഥിന്റെ അപ്രതീക്ഷിത വിയോഗത്തില് വിങ്ങി സിനിമാലോകം
സീരിയല് താരം ശബരീനാഥിന്റെ അപ്രതീക്ഷിത വിയോഗത്തില് ഹൃദയംതകർന്ന് സിനിമാലോകം. ശബരീനാഥിന്റെ നിര്യാണത്തിൽ നിരവധി പേരാണ് പ്രിയ സഹപ്രവര്ത്തകന് ആദരാഞ്ജലി അര്പ്പിച്ചത്. എന്നാൽ എപ്പോഴും പുഞ്ചിരിയോടെ മാത്രം കണ്ടിരുന്ന ആ മുഖം ഇത്രപെട്ടെന്ന് മാഞ്ഞുപോകുമെന്ന് വിശ്വസിക്കാന് കഴിയുന്നില്ലെന്നാണ് താരങ്ങള് പറയുന്നത്. ഇപ്പോഴിതാ നടന് ആസിഫ് അലി, രജിത്ത് മേനോന്, നടന് അനില് നെടുമങ്ങാട്, ബാലാജി ശര്മ, സംവിധായകന് എം.ബി. പത്മകുമാര്, സൈജു എന്നിവരാണ് ആദരാഞ്ജലികള് നേര്ന്നുകൊണ്ട് രംഗത്ത് എത്തിയത്.
എപ്പോഴും ചിരിച്ച മുഖം , ഒരു ദുഃശീലവുമില്ല , വ്യായാമം ദിനചര്യയായി കൊണ്ട് നടന്നിരുന്ന നമ്മുടെ എല്ലാം ശബരിയെ മരണമെന്ന നീതിയില്ലാ രാക്ഷസന് കാര്ഡിയാക്ത് അറസ്റ്റിന്റെ രൂപത്തില് കൊണ്ടുപോയി .. .. ഒരു നീതിയുമില്ല … താങ്ങാനാവുന്നില്ല …. വിശ്വാസം വരുന്നില്ല …. സഹൊ മറക്കിലൊരിക്കലും … കണീര് പ്രണാമം.- ബാലാജി ശര്മ കുറിച്ചു.
പ്രിയപ്പെട്ട സഹപ്രവര്ത്തകന് ആദരാഞ്ജലികള്. വിശ്വസിക്കാനേ കഴിയുന്നില്ല എപ്പോഴും പുഞ്ചിരിയുള്ള ഈ മുഖം പെട്ടെന്ന് മാഞ്ഞുപോകുമെന്ന്… അദ്ദേഹത്തിന്റെ കുടുംബാംഗങ്ങള്ക്ക് ഈ വിഷമഘട്ടം തരണം ചെയ്യാനുള്ള കരുത്തു കൊടുക്കട്ടെ എന്ന് ദൈവത്തോട് പ്രാര്ത്ഥിക്കുന്നു എന്നാണ് നടി ദിവ്യ നായര് കുറിച്ചത്.
പ്രിയമുള്ളവരെ, ശബരിയും പോയി. എപ്പോഴും ചിരിച്ച മുഖത്തോടെ. ആരോടും പരാതിയോ ദേഷ്യമോ കാട്ടാതെ വളരെ ചുറുചുറുക്കോടെ നമ്മോടൊപ്പം ഉണ്ടായിരുന്നു ശബരി. ആര്ക്കും ഒരു ബുദ്ധിമുട്ട് ഉണ്ടാക്കിയതായി ആരും പരാതി പറയില്ല, ഒടുവില് അവസാന യാത്രയിലും അതുപോലെതന്നെ. ആര്ക്കും ഒരു ബുദ്ധിമുട്ടും ഉണ്ടാക്കാതെ. എന്നെപ്പോലെ നിന്റെ നിരവധി സുഹൃത്തുക്കള്ക്ക് ഈ ദുഃഖം താങ്ങാനുള്ള കരുത്ത് ദൈവം കൊടുക്കട്ടെ.- രഞ്ജിത്ത് മുന്ഷി.
മരണമെ, നീയെവിടേക്കാണ് കൊണ്ടുപോകുന്നത്, വിട- എം.ബി. പത്മകുമാര് കുറിച്ചു. നേരിട്ട് പരിചയപ്പെട്ടിട്ടില്ല, പക്ഷേ കുറച്ച് വര്ഷങ്ങള്ക്ക് മുന്പ് ഈ കലാകാരന്റെ ശബ്ദമാവാന് സാധിച്ചിരുന്നു. വിശ്വസിക്കാന് പറ്റുന്നില്ല- സൈജു എസ് പറഞ്ഞു.
അതേസമയം ബാഡ്മിന്റണ് കളിക്കുന്നതിനിടെ ശബരീനാഥ് കുഴഞ്ഞുവീഴുകയായിരുന്നു. ഹൃദയാഘാതമാണ് മരണകാരണമായി പറയുന്നത്. തിരുവനന്തപുരം അരുവിക്കര സ്വദേശിയായ ശബരീനാഥ് 15 വര്ഷമായി സീരിയല് രംഗത്ത് നിറസാന്നിധ്യമാണ്. 'മിന്നുകെട്ട്', 'അമല', 'സ്വാമി അയ്യപ്പന്' തുടങ്ങിയ സീരിയലുകളിലൂടെയാണ് ശബരി ശ്രദ്ധേയനായത്.
https://www.facebook.com/Malayalivartha