ഇത്തരം ആരോപണങ്ങള് ഇതില് ഉള്പ്പെട്ട ഒരാളുടെയോ അല്ലെങ്കില് എല്ലാവരുടെയുമോ പേര് നശിപ്പിക്കുമെന്ന് നടി കസ്തൂരി ശങ്കര്
നടി പായല് ഘോഷ് സംവിധായകന് അനുരാഗ് കശ്യപിനെതിരെ നടത്തിയ ലൈംഗികാരോപണത്തോട് പ്രതികരിച്ച് നടി കസ്തൂരി ശങ്കര്. തെളിവ് ഇല്ലാതെ ഉന്നയിക്കപ്പെടുന്ന ലൈംഗിക പീഡന ആരോപണങ്ങള് തെളിയിക്കുക എന്നുള്ളത് ഏറെ ബുദ്ധിമുട്ടാണെന്നും പക്ഷെ മറ്റൊരു തരത്തില് ഇത്തരം പ്രശ്നങ്ങള് ഇതില് ഉള്പ്പെട്ട ഒരാളുടെയോ അല്ലെങ്കില് എല്ലാവരുടെയുമോ പേര് നശിപ്പിക്കും. അല്ലാതെ മറ്റ് ഗുണമൊന്നും ഇതുകൊണ്ട് ഉണ്ടാവില്ലെന്ന് കസ്തൂരി പറയുന്നു. താനും ലൈംഗീക അതിക്രമങ്ങള്ക്ക് ഇരയായിട്ടുണ്ടെന്നാണ് കസ്തൂരി വെളിപ്പെടുത്തി.
ലൈംഗിക പീഡനങ്ങളിലെ ഇരകളോട് തനിക്ക് അങ്ങേയറ്റം സഹാനുഭൂതി ഉണ്ടെങ്കിലും വ്യക്തിപരമായി നിയമത്തിന്റെ വഴിയോട് തനിക്ക് യോജിപ്പില്ലെന്നും കസ്തൂരി മറ്റൊരു ട്വീറ്റിലൂടെ വ്യക്തമാക്കി. എന്നാല് കസ്തൂരിയോട് അടുപ്പമുള്ള ഒരാള്ക്കാണ് ഇത്തരം ഒരു അനുഭവം ഉണ്ടായിരുന്നതെങ്കില് ഇങ്ങനെ ആയിരിക്കുമോ അവര് പ്രതികരിക്കുക എന്ന ചോദ്യം ഒരാള് ട്വീറ്റ് ചെയ്തു. ഇതിന് മറുപടിയായി തനിക്കും ലൈംഗികാതിക്രമം നേരിടേണ്ടി വന്നിട്ടുണ്ടെന്ന് കസ്തൂരി വ്യക്തമാക്കിയത്.
തന്നെ നിശ്ശബ്ദനാക്കാനുള്ള ശ്രമമാണെന്നാണ് പായല് നടത്തിയ ആരോപണത്തിനെതിരെ അനുരാഗ് പ്രതികരിച്ചത്. തനിക്കെതിരായ ആരോപണത്തില് മറ്റ് നിരവധി സ്ത്രീകളെ വലിച്ചിഴക്കുകയാണ് പായല്. തനിക്ക് എതിരെയുള്ള ആരോപണങ്ങള് എല്ലാം അടിസ്ഥാനരഹിതമാണെന്ന് അനുരാഗ് അവകാശപ്പെട്ടു. അനുരാഗിനെ പിന്തുണച്ച് കല്ക്കി, തപ്സി പന്നു, രാധികാ ആപ്തെ എന്നീ നടിമാര് രംഗത്ത് എത്തിയിരുന്നു.
https://www.facebook.com/Malayalivartha