പണ്ട് പറ്റിയ അബദ്ധങ്ങളും മറ്റും സമയോട് പറഞ്ഞിട്ടുണ്ട്... എന്റെ ഗേൾഫ്രണ്ട്സിൽ പലരെയും സമ കണ്ടിട്ടുണ്ട്... എല്ലാവരുമായും അടുപ്പവുമുണ്ട്.. അപ്പോഴൊക്കെ അവളുടെ പ്രതികരണം എന്നെ ഞെട്ടിച്ചു; തുറന്ന് പറഞ്ഞ് ആസിഫ് അലി
നിരവധി കഥാപാത്രങ്ങളിലൂടെ പ്രേക്ഷകരുടെ ഹൃദയം കീഴടക്കിയ യുവനടനാണ് ആസിഫ് അലി. ഋതു എന്ന ചിത്രത്തിലൂടെയാണ് ആസിഫ് സിനിമയിൽ തുടക്കം കുറിച്ചത്. ആദ്യ ചിത്രത്തിലൂടെത്തന്നെ മികച്ച പ്രേക്ഷക ശ്രദ്ധ നേടിയ താരത്തിന് പിന്നീട് ഒരുപാട് അവസരങ്ങളായിരുന്നു ലഭിച്ചത്. സഹനടനായി ഒരുപാട് ചിത്രങ്ങളിൽ അഭിനയിച്ച് മുന്നിട്ട് നിൽക്കുന്ന സമയത്താണ് താരത്തിന് നായകനാവാനുള്ള അവസരവും ലഭിച്ചത്.
ആസിഫിനെ കൂടാതെ ഭാര്യ സമയും മക്കളായ ആദം, ഹയ എന്നിവരും പ്രേക്ഷകർക്ക് സുപരിചിതരണ്. ഇപ്പോഴിതാ ആസിഫ് പങ്കുവെച്ച വിശേഷങ്ങളാണ് പ്രേക്ഷകരുടെ ഇടയിൽ വൈറലാകുന്നത്.
ആസിഫിന്റെ വാക്കുകൾ ഇങ്ങനെ....
എന്റെ ജീവിതത്തിൽ കുറേ പെൺകുട്ടികൾ കടന്ന് വന്നിട്ടുണ്ട്. അതിപ്പോൾ ഗേൾഫ്രണ്ട്സാവണമെന്നില്ല. സുഹൃത്തുക്കളാകാം, ടീച്ചേഴ്സാവാം, പല വേഷങ്ങളിൽ അവർ വരും. അവരൊക്കെ എന്നെ മോട്ടിവേറ്റ് ചെയ്തിട്ടുണ്ട്. സിനിമകളിൽ ചാൻസ് നേടി പല ലൊക്കേഷനുകളിലും ഞാൻ പോയിട്ടുണ്ട്. ആദ്യം വിളിച്ചത് ജൂനിയർ ആർട്ടിസ്റ്റായിട്ടാണെന്ന് തിരിച്ചറിഞ്ഞപ്പോൾ സിനിമ വേണ്ടെന്ന് വരെ വച്ചതാണ്.
എന്നാൽ അതിനെയൊക്കെ അതിജീവിക്കാൻ പലരും സഹായിച്ചിട്ടുണ്ട്. അതിൽ കുറേ ഗേൾ ഫ്രണ്ട്സുമുണ്ടായിരുന്നു. ഞാൻ വളരെ ട്രാൻസ്പെരന്റാണ്. പഴയ കഥകളൊക്കെ പറയാൻ എനിക്ക് വലിയ ഇഷ്ടമാണ്. പണ്ട് പറ്റിയ അബദ്ധങ്ങളും മറ്റും സമയോട് പറഞ്ഞിട്ടുണ്ട്. എന്റെ ഗേൾഫ്രണ്ട്സിൽ പലരെയും സമ കണ്ടിട്ടുണ്ട്. എല്ലാവരുമായും അടുപ്പവുമുണ്ട്. എന്റെ എല്ലാ സിനിമകളും സമ കാണാറുണ്ട്. ഞങ്ങൾ ഒന്നിച്ചും സിനിമ കാണാൻ പോകാറുണ്ട്. മിക്ക സിനിമകളും കഴിവതും ഞാൻ റിലീസ് ഡേ തന്നെ കാണാൻ ശ്രമിക്കാറുണ്ട്. അതിൽ നിന്ന് കിട്ടുന്ന പ്രേക്ഷക പ്രതികരണമറിഞ്ഞേ ഞാൻ സിനിമകളുടെ പ്രൊമോഷന് പോലും പോകാറുള്ളൂ. മനസില്ലാ മനസോടെ ഒരു സിനിമ പ്രൊമോട്ട് ചെയ്യാൻ എനിക്ക് പറ്റില്ല. ആസിഫ് അലി പറഞ്ഞു.
https://www.facebook.com/Malayalivartha