മലയാളികളുടെ പ്രിയനടിയാണ് പാര്‍വതി തിരുവോത്ത്. ഇപ്പോളിതാ പരസ്യ ചിത്രങ്ങളില്‍ അഭിനയിക്കാത്തതിന്റെ കാരണം തുറന്നു പറയുകയാണ് നടി. ഒരു വാര്‍ഷിക പതിപ്പിനു നല്‍കിയ അഭിമുഖത്തിലാണ് പാര്‍വതി മനസ്സ് തുറന്നത്.

'ഒരു സാധനം വാങ്ങിയാല്‍ ഈ പദവി കിട്ടും അത് വാങ്ങാത്തവര്‍ മോശക്കാര്‍ എന്ന കണ്‍സ്യൂമറിസ്റ്റ് പ്രചാരണ പദ്ധതികളുടെ ഭാഗമാകേണ്ട എന്ന് കരുതി മാറി നിന്നതാണ്. ഞാന്‍ കട ഉത്ഘാടനങ്ങള്‍ക്ക് പോകാറില്ല. ഇപ്പോള്‍ ആ നിലപാടില്‍ മാറ്റം വരുത്തിയിട്ടുണ്ട്. സിനിമയില്‍ നിന്നുള്ള വരുമാനത്തിനു പുറമെ പൈസ കിട്ടിയാല്‍ പഠനം ചാരിറ്റി തുടങ്ങിയകാര്യങ്ങള്‍ക്ക് ഉപയോഗിക്കാം. പക്ഷേ നിത്യ ജീവിതത്തില്‍ ഞാന്‍ ഉപയോഗിക്കാത്ത ഒരു സാധാനത്തിന്റെ പരസ്യത്തില്‍ ഉണ്ടാകില്ല.'