മലയാളികളുടെ പ്രിയതാരമാണ് മേഘ്ന രാജ്. താരത്തിന്റെ ഭര്‍ത്താവും നടനുമായ ചിരഞ്ജീവി സര്‍ജയുടെ അപ്രതീക്ഷിത മരണം കുടുംബത്തെയും ആരാധകരെയും ഞെട്ടിച്ചിരുന്നു.

ഇപ്പോഴിതാ ചിരുവിന്റെ മരണത്തോടെ സോഷ്യല്‍ മീഡിയയില്‍ നിന്നും മറ്റും വിട്ടു നില്‍ക്കുകയായിരുന്ന മേഘ്ന തന്റെ പേരില്‍ പ്രചരിക്കുന്ന വ്യാജ വാര്‍ത്തകളോട് പ്രതികരിച്ച്‌ രം​ഗത്ത്.

മേഘ്ന ഇരട്ടക്കുഞ്ഞുങ്ങള്‍ക്ക് ജന്മം നല്‍കിയെന്നും ചിരു പുനര്‍ജനിച്ചുവെന്നുമെല്ലാം അവകാശപ്പെട്ട് പുറത്തിറക്കിയിരിക്കുന്ന വ്യാജ യൂട്യൂബ് വീഡിയോകള്‍ക്ക് എതിരെ രംഗത്ത് എത്തിയത്.

'ഒരുപാട് നാളായി നിങ്ങളോട് ഞാന്‍ സംസാരിച്ചിട്ട്. ഞാന്‍ സംസാരിക്കും ഉടനെ തന്നെ. അതുവരെ കാഴ്ച്ചക്കാരെ കിട്ടാന്‍ വേണ്ടി മാത്രം ഉണ്ടാക്കുന്ന യൂട്യൂബ് വീഡിയോകള്‍ക്ക് നിങ്ങള്‍ ശ്രദ്ധ കൊടുക്കരുത്.

എന്നെക്കുറിച്ചും എന്റെ കുടംബത്തെക്കുറിച്ചുമുള്ള എന്ത് വാര്‍ത്തയും ഞാന്‍ നേരിട്ട് നിങ്ങളുമായി പങ്കുവയ്ക്കുന്നതായിരിക്കും' മേഘ്ന സോഷ്യല്‍മീഡിയില്‍ പങ്കുവച്ചു