ഉപ്പും മുളകുമെന്ന സീരിയലിലൂടെ മലയാളികൾക്ക് സുപരിചിതയായ താരമാണ് നടി ജൂഹി റുസ്തഗി. എന്നാൽ 1143-മതെ ശേഷം ജൂഹി അപ്രതീക്ഷിതമായി സീരിയലിൽ നിന്ന് പിന്മാറിയതായി അറിയിച്ചിരുന്നു. അതോടുകൂടി സീരിയലിനെ നല്ല രീതിയിൽ ബാധിച്ചു. ജൂഹി അവതരിപ്പിച്ച ലച്ചുവെന്ന കഥാപാത്രത്തിന്റെ തിരിച്ചുവരവിനായി ആരാധകർ ഇപ്പോഴും കാത്തിരിക്കുകയാണ്. ജൂഹിക്ക് പകരം വേറെയൊരു റോളിൽ എത്തിയ മറ്റൊരു താരത്തിന് ജൂഹിയുടെ അത്ര റേറ്റിംഗ് നൽകാൻ സാധിച്ചില്ല. ആദ്യം പ്രോമോ കണ്ടപ്പോൾ ജൂഹി അവതരിപ്പിച്ച കഥാപാത്രത്തിന് പകരം എത്തിയതാണെന്നാണ് പലരും വിചാരിച്ചത്.

എന്നാൽ മുടിയന്റെ കടുത്ത ആരാധികയുടെ റോളിലാണ് ആ താരം എത്തിയത്. സീരിയിൽ നിന്ന് മാത്രമല്ല സോഷ്യൽ മീഡിയ അക്കൗണ്ടുകളിൽ നിന്നും ജൂഹിയെ കാണാതായി എന്നുവേണം പറയാൻ. നിരന്തരം പോസ്റ്റുകൾ ഇടാറുള്ള ജൂഹി കഴിഞ്ഞ അഞ്ച് മാസമായി പോസ്റ്റുകൾ ഇടാതെ ഇരുന്നത് പല സംശയങ്ങൾക്കും ഇടയാക്കിയിരുന്നു.

ജൂഹി വിവാഹിതയാകാൻ പോകുന്നുവെന്ന് സൂചിപ്പിച്ചുകൊണ്ട് താരം തന്നെ പ്രതിശ്രുത വരനൊപ്പം നിൽക്കുന്ന ഫോട്ടോസ് പങ്കുവെച്ചിരുന്നു. ഡോക്ടർ റോവിൻ തോമസാണ് താരത്തിന്റെ പ്രതിശ്രുത വരൻ. എന്തായാലും എല്ലാ സംശയങ്ങൾക്കും തിരശീല ഇട്ടുകൊണ്ട് 5 മാസങ്ങൾക്ക് ശേഷം തന്റെ പുതിയ ഫോട്ടോഷൂട്ടിന്റെ ചിത്രം പങ്കുവച്ചിരിക്കുകയാണ് ജൂഹി. ഫാഷൻ ഫോട്ടോഗ്രാഫറായ വിഷ്ണു രവീന്ദ്രൻ എടുത്ത ചിത്രങ്ങളാണ് ജൂഹി ഇൻസ്റ്റാഗ്രാമിൽ പോസ്റ്റ് ചെയ്തത്. ‘ബാക് ടു വർക്ക്.. ഷൂട്ട് മോഡ് ഓൺ..’ എന്ന ഹാഷ്‌ടാഗോടെയാണ് ജൂഹി ഫോട്ടോ പോസ്റ്റ് ചെയ്തത്.

കുടുംബപ്രേക്ഷകർക്ക് ഏറ്റവും ഇഷ്ടപ്പെട്ട ഹാസ്യപരമ്പരകളിൽ ഒന്നാണ് ഫ്‌ളവേഴ്‌സ് ചാനലിൽ സംപ്രേക്ഷണം ചെയ്യുന്ന ഉപ്പും മുളകും. മറ്റു സീരിയലുകളിൽ നിന്ന് വ്യത്യസ്തമായി സംഭാഷണരീതിയും കഥയുമുള്ള ഒന്നാണ് ഉപ്പും മുളകും. അതുകൊണ്ട് തന്നെ സീരിയലിൽ പെട്ടന്ന് തന്നെ പ്രേക്ഷകർ സ്വീകരിച്ചു. 1000 എപ്പിസോഡുകൾ പിന്നിട്ട് വിജയയാത്ര തുടരുകയാണ് ഇപ്പോഴും.