മലയാളത്തിന്റെ പ്രിയ ചിത്രം മണിച്ചിത്രത്താഴ് എന്ന ചിത്രത്തില്‍ ശോഭനയുടെ മാസ്മരിക പ്രകടനത്തിനു ഇന്നും ആരാധകര്‍ ഏറെയാണ്. ഈ ചിത്രത്തില്‍ നാഗവല്ലിയായി എത്തിയ ശോഭനയ്ക്ക് ശബ്ദം നല്‍കിയത് ഭാഗ്യലക്ഷ്മി അല്ലന്നു വര്‍ഷങ്ങള്‍ക്ക് ശേഷമാണ് പുറത്ത് വന്നത്.

സംവിധായകനായ ഫാസില്‍ തന്നെയായിരുന്നു നാഗവല്ലിക്ക് ശബ്ദം നല്‍കിയ ആളെക്കുറിച്ച്‌ പറഞ്ഞത്. തമിഴ് ഡയലോഗായതിനാല്‍ ഡബ്ബിംഗിനായി തമിഴകത്തുനിന്നുമുള്ള ആളെ പരിഗണിക്കുകയായിരുന്നു.

സാങ്കേതിക പ്രശ്‌നങ്ങള്‍ കാരണമാണ് ആ പേര് ചേര്‍ക്കാന്‍ കഴിയാതെ പോയതെന്നായിരുന്നു അദ്ദേഹം പറഞ്ഞത്. നാഗവല്ലിക്ക് ശബ്ദം കൊടുത്തയാളെക്കുറിച്ചുള്ള ചര്‍ച്ചകള്‍ വീണ്ടും സജീവമായിക്കൊണ്ടിരിക്കുകയാണ് ഇപ്പോള്‍.

ബിഗ് ബോസിലൂടെ ശ്രദ്ധിക്കപ്പെട്ട ദയ അശ്വതി ദുര്‍ഗയെക്കുറിച്ച്‌ ഒരു പോസ്റ്റ് പങ്കുവച്ചിരുന്നു. സീരിയല്‍ താരമായ ജയനും ഇതേക്കുറിച്ചുള്ള കുറിപ്പുമായെത്തിയിരുന്നു.

ഇതുപോലെ എത്ര നല്ല കലാകാരന്‍മാര്‍ ആയിരിക്കും അറിയപ്പെടാതെ അല്ലേല്‍ ചതിയില്‍പെട്ടുപോയി ഇരിക്കുന്നത്. ഇതില്‍ കുറ്റം പറയേണ്ടത് വേറെ ആരെയുമല്ല ആ സിനിമയുടെ സംവിധായകനെ മാത്രമാണ്.

ആ സിനിമയില്‍ അത്ര പ്രധാനപ്പെട്ട അത്ര ശ്രദ്ധിക്കപ്പെട്ട ഒരു സീന്‍ ആണ് അത് . ടൈറ്റില്‍ പോലും വെച്ചില്ലായെങ്കില്‍ അത് വേറെയാരുടെയും കുറ്റമല്ല. ഒരു സത്യസന്ധമായ ന്യൂസ് പുറത്തു കൊണ്ട് വന്നു ഒരു നല്ല കലാകാരിയെ ഞങ്ങള്‍ക്ക് പരിചയപ്പെടുത്തിയ ഈ ചാനലിനും ദുര്‍ഗ എന്ന നല്ല കലാകാരിക്കും നന്ദിയും സ്നേഹവുമെന്നായിരുന്നു ജയന്‍ കുറിച്ചത്.