സമൂഹമാധ്യമത്തിലൂടെ പൊട്ടിക്കരഞ്ഞ ട്രാന്സ്ജെന്ഡര് യുവതിയായ സജന ഷാജിക്ക് പിന്തുണയുമായി നടന് ജയസൂര്യ! ഇനി ബിരിയാണി കട തുടങ്ങാന് സാമ്പത്തിക സഹായവുമായി ജയസൂര്യ
ജീവിക്കാനായി ബിരിയാണി വില്ക്കുവാനെത്തിയ തന്നെ വില്പന നടത്താനാനുവദിക്കാതെ ചിലര് ഉപദ്രവിച്ചെന്ന് പറഞ്ഞ് സമൂഹമാധ്യമത്തിലൂടെ പൊട്ടിക്കരഞ്ഞ ട്രാന്സ്ജെന്ഡര് യുവതിയായ സജന ഷാജിക്ക് പിന്തുണയുമായി നടന് ജയസൂര്യ. സജനയ്ക്ക് ബിരിയാണി കട തുടങ്ങാന് വേണ്ട സാമ്ബത്തികസഹായം നല്കുമെന്ന് ജയസൂര്യ പറഞ്ഞു. തങ്ങള് തുടങ്ങിയ ബിരിയാണിക്കച്ചവടം ഒരു സംഘം തടയുകയാണെന്നും ജീവിക്കാന് മറ്റു മാര്ഗമൊന്നുമില്ലെന്നും ആണും പെണ്ണും കെട്ടവരെന്ന് വിളിച്ച് ആക്ഷേപിച്ചതായും ഫേസ് ബുക്ക് വീഡിയോയിലൂടെ പൊട്ടിക്കരഞ്ഞുകൊണ്ടു കഴിഞ്ഞ ദിവസം എറണാകുളം സ്വദേശിയായ ട്രാന്സ്ജെന്ഡര് സജന ഷാജി പങ്കുവച്ചിരുന്നു.
പൊലീസ് സ്റ്റേഷനില് പരാതി നല്കിയിട്ടും കാര്യമുണ്ടായില്ലെന്നും തങ്ങള്ക്ക് ബിരിയാണിക്കച്ചവടം നടത്താനാവുമോ എന്നാണ് പൊലീസ് ചോദിച്ചതെന്നും ഇവര് പറഞ്ഞിരുന്നു. വീഡിയോ സോഷ്യല് മീഡിയയില് വൈറലായതോടെ സജനയ്ക്ക് പിന്തുണയുമായി നടി നസ്രിയ നസീമും രംഗത്തെത്തിയിരുന്നു. പ്ലീസ് ലെറ്റ് ലിവ് എന്നു കുറിച്ചു കൊണ്ട് സജനയുടെ വീഡിയോ ഇന്സ്റ്റഗ്രാം സ്റ്റോറിയില് പങ്കു വെച്ചു കൊണ്ടാണ് നസ്രിയ പിന്തുണയറിയിച്ചത്.
https://www.facebook.com/Malayalivartha
