ജീവിതത്തിലെ ഒരു പ്രതിസന്ധി ഘട്ടത്തിൽ പോലും തളരാതെ അതിന് എതിരെ പോരാടി; ക്രൂരമായ ലോകത്തിൽ നിന്നുള്ള ഏറ്റവും മികച്ച കവചമാണ് സന്തുഷ്ടമായ ആത്മാവ്.... നടി ഭാവനയുടെ പുതിയ പോസ്റ്റ് വൈറൽ; ഏറ്റെടുത്ത് സോഷ്യൽമീഡിയ...
ഇൻസ്റ്റാഗ്രാമിൽ ഭാവന പോസ്റ്റ് ചെയ്ത പുതിയ ചിത്രങ്ങളോടൊപ്പമുള്ള ക്യാപ്ഷനാണ് ഏറ്റവും ശ്രദ്ധേയമാകുന്നത്. ‘ക്രൂരമായ ലോകത്തിൽ നിന്നുള്ള ഏറ്റവും മികച്ച കവചമാണ് സന്തുഷ്ടമായ ആത്മാവ്..’ എന്ന കനേഡിയൻ കവിയുടെ വരികളാണ് ഭാവന കുറിച്ചത്. ഫോട്ടോഗ്രാഫർ പ്രണവ് രാജ് എടുത്ത ചിത്രങ്ങളാണ് ഭാവന പോസ്റ്റ് ചെയ്തത്. ജീവിതത്തിലെ ഒരു പ്രതിസന്ധി ഘട്ടത്തിൽ പോലും തളരാതെ അതിന് എതിരെ പോരാടി ഒരുപാട് പെൺകുട്ടികൾക്ക് അത്തരത്തിൽ ചിന്തിക്കാൻ പ്രചോദനമായ ഒരു നടിയാണ് ഭാവന. സിനിമ ജീവിതത്തിൽ ഒരുപാട് നേട്ടങ്ങൾ കൈവരിച്ചിട്ടുള്ള ഭാവന അതെ സിനിമ മേഖലയിൽ പ്രവർത്തിക്കുന്നവരിൽ നിന്ന് മോശം അനുഭവങ്ങൾ നേരിടേണ്ടി വന്നിട്ടുള്ള ഒരാളാണ് താരം.
കമൽ സംവിധാനം ചെയ്ത നമ്മൾ എന്ന ചിത്രത്തിലൂടെ അഭിനയരംഗത്തേക്ക് വന്ന ഭാവന പിന്നീട് തെന്നിന്ത്യൻ സിനിമ മേഖലയിൽ ഒട്ടാകെ തന്റെ അഭിനയമികവ് പ്രകടമാക്കി. ആദ്യ സിനിമയിലെ അഭിനയത്തിന് തന്നെ കേരള സംസ്ഥാന അവാർഡിൽ സ്പെഷ്യൽ ജൂറി അവാർഡ് നേടിയിരുന്നു ഭാവന. ഭാവന നായികയായി അഭിനയിച്ച നിരവധി സൂപ്പർഹിറ്റ് സിനിമകൾ മലയാളത്തിലുണ്ട്.
ക്രോണിക് ബാച്ചിലർ, സി.ഐ.ഡി മൂസ, സ്വപ്നക്കൂട്, ചതിക്കാത്ത ചന്തു, ചാന്തുപൊട്ട്, നരൻ, ഛോട്ടാ മുംബൈ, ട്വന്റി 20 അങ്ങനെ തുടങ്ങി ഒരുപാട് സൂപ്പർഹിറ്റ് സിനിമകളുടെ ഭാഗമായി ഭാവന. കന്നഡ ഫിലിം പ്രൊഡ്യൂസർ നവീനുമായി ഭാവന 2018-ൽ വിവാഹിതയായിരുന്നു. 2017-ന് ശേഷം ഭാവന മലയാള സിനിമയിൽ അഭിനയിച്ചിട്ടില്ല. കന്നഡ സിനിമയിൽ ഇപ്പോഴും ഭാവന അഭിനയിക്കുന്നുണ്ട്.
തനിക്ക് നേരിടേണ്ടി വന്നിട്ടുള്ള പ്രശ്നങ്ങളെ നേരിടാൻ താരം കാണിക്കുന്ന ധൈര്യത്തിന് എപ്പോഴും സോഷ്യൽ മീഡിയ കൈയടിക്കാറുണ്ട്. എപ്പോഴും സോഷ്യൽ മീഡിയയിലൂടെ തന്നെ ചില പോസ്റ്റുകളിലൂടെ തന്റെ കാഴ്ചപ്പാടുകൾ ഭാവന തുറന്ന് കാണിക്കാറുമുണ്ട്.
https://www.facebook.com/Malayalivartha