വിവാഹ വാഗ്ദാനം നിരസിച്ച സീരിയല് താരത്തെ സുഹൃത്ത് കുത്തി പരിക്കേല്പ്പിച്ചു
വിവാഹ വാഗ്ദാനം നിരസിച്ചതിന്റെ പേരില് ടിവി സിരിയല് താരത്തെ സുഹൃത്തായ യുവാവ് കുത്തി പരിക്കേല്പ്പിച്ചു. നടി മാള്വി മല്ഹോത്രയ്ക്കാണ് പരിക്കേറ്റത്. കഴിഞ്ഞ ദിവസം രാത്രിയാണ് സംഭവം. വടക്കെ മുംബയിലെ വെര്സോവ ഏരിയയിലെ ഒരു കഫെയില് നിന്നും തിരികെ വീട്ടിലേക്ക് പോകാനിറങ്ങിയ നടിയുടെ നേരെ അവിടെയെത്തിയ സുഹൃത്തായ യോഗേഷ്കുമാര് മഹിപാല് സിംഗ് വിവാഹാഭ്യര്ത്ഥന നടത്തി. അഭ്യര്ത്ഥന നിരസിച്ചതോടെ കൈയില് കരുതിയിരുന്ന കത്തി ഉപയോഗിച്ച് യോഗേഷ് നടിയുടെ വയറ്റിലും കൈകളിലും കുത്തുകയായിരുന്നു. പരിക്കേറ്റതിനെ തുടര്ന്ന് നടിയെ ആശുപത്രിയില് പ്രവേശിപ്പിച്ചതായി പൊലീസ് പറഞ്ഞു.കഴിഞ്ഞ ഒരുവര്ഷമായി യോഗേഷിനെ പരിചയമുണ്ടെന്നും വിവാഹം കഴിക്കണമെന്ന ആവശ്യം യോഗേഷ് മുന്പും ഉന്നയിച്ചിരുണ്ടെന്നും ആവശ്യം താന് തളളിയിരുന്നതായും മാള്വി പൊലീസിനോട് പറഞ്ഞു. നടിയെ ആക്രമിച്ച ശേഷം യോഗേഷ് സ്വന്തം കാറില് രക്ഷപ്പെട്ടു. ഇയാള്ക്കെതിരെ വധശ്രമത്തിനും ദേഹോപദ്രവം ഏല്പ്പിച്ചതിനും കേസെടുത്തതായി മുംബയ് പൊലീസ് അറിയിച്ചു.
https://www.facebook.com/Malayalivartha