ഒറ്റ ഡാന്‍സിലൂടെ മലയാളികളുടെ ഹൃദയം കീഴടക്കിയ കുട്ടിത്താരമാണ് വൃദ്ധി വിശാല്‍. പിന്നീട് നിരവധി ടെലിവിഷന്‍ പോഗ്രാമുകളിലൂടെയും ഫോട്ടോഷൂട്ടുകളിലൂടെയും റീലുകളിലൂടെയുമൊക്കെ വൃദ്ധിക്കുട്ടി മലയാളികളെ കയ്യിലെടുത്തു. ഇന്‍സ്റ്റാഗ്രാമില്‍ വണ്‍ മില്യണ്‍ ഫോളോവേഴ്‌സാണ് ഈ കുട്ടി പ്രതിഭയ്ക്ക് അതും വെറും ആറ് മാസം കൊണ്ട്. സീരിയല്‍ താരം അഖില്‍ ആനന്ദിന്റെ വിവാഹ ചടങ്ങില്‍ നൃത്തച്ചുവടുകള്‍ വച്ചു കൊണ്ടായിരുന്നു വൃദ്ധി വിശാല്‍ തുടക്കംകുറിച്ചത്. വിജയ് ചിത്രമായ മാസ്റ്ററിലെ വാത്തി കമിംഗ്, അല്ലു അര്‍ജുന്‍ ചിത്രമായ അങ്ങ് വൈകുണ്ഠപുരത്തിലെ രാമുലോ രാമുല എന്ന പാട്ടിനൊപ്പമാണ് വൃദ്ധി ആദ്യം ചുവടുവച്ച് തുടങ്ങിയത്.

ആ നൃത്തം സോഷ്യല്‍ മീഡിയ ഏറ്റെടുത്തതോടെ കുട്ടി ഡാന്‍സറായ വൃദ്ധിക്ക് താര പദവി കൈവരികയും ചെയ്തു. പിന്നീട് ഒട്ടേറെ ടെലിവിഷന്‍ പ്രോഗ്രാമുകളിലും, സിനിമകളിലും വൃദ്ധിക്ക് അവസരങ്ങള്‍ ലഭിച്ചു. അതോടൊപ്പം തന്നെ നിരവധി ഫോട്ടോഷൂട്ടുകളിലൂടെയും വൃദ്ധി സോഷ്യല്‍ മീഡയയില്‍ നിറഞ്ഞു നിന്നു. ഇപ്പോള്‍ ഇതാ കുട്ടി താരത്തിന്റെ പുതിയൊരു ഫോട്ടോഷൂട്ടാണ് വൈറലായിരിക്കുന്നത്. ഒരു വസ്ത്രസ്ഥാപനത്തിനു വേണ്ടിയാണ് വൃദ്ധി ഫോട്ടോയ്ക്ക് പോസ് ചെയ്തത്. പിങ്ക് & പര്‍പ്പിള്‍ നിറത്തിലുള്ള ഗൗണ്‍ അണിഞ്ഞു സുന്ദരിയായിട്ടാണ് വൃദ്ധി പ്രത്യക്ഷപ്പെട്ടിരിക്കുന്നത്. വൃദ്ധി തന്നെയാണ് ചിത്രങ്ങള്‍ സോഷ്യല്‍ മീഡിയായിലൂടെ പങ്കുവെച്ചിരിക്കുന്നത്. വൃദ്ധിയുടെ പുതിയ ചിത്രങ്ങള്‍ നിമിഷനേരം കൊണ്ടാണ് വൈറലായത്. ഡാന്‍സര്‍മാരായ വിശാല്‍ കണ്ണന്റെയും ഗായത്രിയുടെയും മകളാണ് വൃദ്ധി.