ആഡംബര കപ്പലിലെ ലഹരി പാര്ട്ടി... ബോളിവുഡ് താരം ഷാരൂഖ് ഖാന്റെ മകന് ആര്യന് ഖാന് ഉള്പെടെ എട്ട് പേരെ അറസ്റ്റ് ചെയ്തു
ആഡംബര കപ്പലിലെ ലഹരി പാര്ടിക്കിടെ നാര്കോടിക്സ് കണ്ട്രോള് ബ്യൂറോ (എന്സിബി) കസ്റ്റഡിയിലെടുത്ത, ബോളിവുഡ് മെഗാസ്റ്റാര് ഷാരൂഖ് ഖാന്റെ മകന് ആര്യന് ഖാന് ഉള്പെടെയുള്ള എട്ട് പേരെ വൈകീട്ടോടെ അറസ്റ്റ് ചെയ്തു. നടന് അര്ബാസ് സേത് മെര്ചന്റ്, മുണ്മൂണ് ധമേച, നൂപുര് സരിക, ഇസ്മീത് സിംഗ്, മോഹക് ജസ്വാള്, വിക്രാന്ത് ഛോകര്, ഗോമിത് ചോപ്ര എന്നിവരാണ് അറസ്റ്റിലായ മറ്റുള്ളവര്. രാത്രിയോടെ ഇവരെ കോടതിയില് ഹാജരാക്കി. തുടര്ന്ന് പ്രതികളെ കോടതി ഒക്ടോബര് നാല് വരെ എന്സിബി കസ്റ്റഡിയില് വിട്ടു.
എന്ഡിപിഎസ് നിയമത്തിലെ സെക്ഷന് എട്ട് സി, 20 ബി, 27, 35 എന്നിവ പ്രകാരമാണ് ആര്യന് ഖാനെ അറസ്റ്റ് ചെയ്തതെന്ന് എന്സിബി അധികൃതര് പറഞ്ഞു. സുരക്ഷാ പരിശോധനയില് നിന്ന് രക്ഷപ്പെടാനായി അര്ബാസ് മെര്ചന്റ് തന്റെ ഷൂസില് മയക്കുമരുന്ന് ഒളിപ്പിച്ചുവെച്ചിരുന്നതായും ഉദ്യോഗസ്ഥര് കൂട്ടിച്ചേര്ത്തു. ആര്യന് ഖാനും അര്ബാസ് മെര്ചന്റും തമ്മിലുള്ള വാട്സ്ആപ് ചാറ്റിങ്ങും എന്സിബി പരിശോധിച്ചു. മുംബൈ തീരത്ത് കോര്ഡേലിയ ഇംപ്രസ എന്ന ആഡംബര കപ്പലില് ലഹരിപാര്ടി നടത്തിയതായാണ് എന്സിബി കണ്ടെത്തിയത്. കപ്പലില് ശനിയാഴ്ച ലഹരി പാര്ടി നടത്താന് തീരുമാനിച്ചിട്ടുണ്ടെന്ന രഹസ്യ വിവരത്തെ തുടര്ന്ന് യാത്രക്കാരുടെ വേഷത്തില് ഉദ്യോഗസ്ഥര് കപ്പലില് കയറി പറ്റുകയായിരുന്നു. കപ്പല് മുംബൈ തീരം വിട്ട് നടക്കടലില് എത്തിയപ്പോഴാണ് ലഹരി പാര്ടി ആരംഭിച്ചത്. തുടര്ന്ന് എന്സിബി ഉദ്യോഗസ്ഥര് പ്രതികളെ പിടികൂടുകയായിരുന്നു.ഇവരില് നിന്ന് നിരോധിത മയക്കുമരുന്നുകളായ കൊകെയിന്, ഹാഷിഷ്, എം ഡി എം എ തുടങ്ങിയവയാണ് പിടികൂടിയത്.
https://www.facebook.com/Malayalivartha
