ആര്യന്‍ ഖാന്‍ മയക്കുമരുന്ന് കേസില്‍ അറസ്റ്റിലായത് ബോളിവുഡിനെയാകെ ഞെട്ടിച്ചിരിക്കുകയാണ്. അറസ്റ്റിനു പിന്നാലെ മയക്കുമരുന്നു കേസുമായി ബന്ധപ്പെട്ട് ആര്യന്‍ ഖാനെ എതിര്‍ത്തും പിന്തുണച്ചും ഒട്ടേറെ പേര്‍ രംഗത്ത് എത്തി ഇതിനോടകം തന്നെ രംഗത്തെത്തി.

ബോളിവുഡിലെ ചില താരങ്ങളെ മയക്കുമരുന്ന് കേസുമായി ബന്ധപ്പെടുത്തിയും റിപ്പോര്‍ട്ടുകള്‍ വരുന്നു. ഷാരൂഖ് ഖാന്‍ നടത്തിയ ഒരു പാര്‍ട്ടിയിലെ അനുഭവം പങ്കുവെച്ച നടി ഷെര്‍ലിന്‍ ചോപ്രയുടെ ഒരു ഇന്റര്‍വ്യൂ ആണ് ഇപ്പോള്‍ ചര്‍ച്ചയാകുന്നത്.
സുശാന്ത് സിംഗ് രാജ്!പുത് അന്തരിച്ചപ്പോള്‍ മയക്കുമരുന്ന് കേസില്‍ ചില താരങ്ങള്‍ അറസ്റ്റിലായിരുന്നു. അന്ന് നല്‍കിയ അഭിമുഖമാണ് ആര്യന്‍ ഖാന്‍ അറസ്റ്റിലായ സാഹചര്യത്തില്‍ ഷെര്‍ലിന്‍ ചോപ്ര വീണ്ടും പങ്കുവെച്ചിരിക്കുന്നത്. ഷാരൂഖ് നടത്തിയ ഒരു പാര്‍ട്ടിയില്‍ താന്‍ കണ്ട കാര്യങ്ങളെ കുറിച്ചാണ് ഷെര്‍ലിന്‍ പറയുന്നത്. കൊല്‍ക്കത്ത നൈറ്റ് റൈഡേഴ്‌സിന്റെ പ്രോഗ്രാമില്‍ ഡാന്‍സ് ചെയ്തുകൊണ്ടിരിക്കെ തളര്‍ന്നതിനാല്‍ വാഷ്‌റൂമില്‍ പോയതായിരുന്നു. വാതില്‍ തുറന്നപ്പോള്‍ കണ്ട കാഴ്ചകള്‍ ഞെട്ടിക്കുന്നതായിരുന്നു. താരങ്ങളുടെ ഭാര്യമാര്‍ കണ്ണാടിയുടെ മുന്നില്‍ നിന്ന് വൈറ്റ് പൗഡര്‍ എടുക്കുകയായിരുന്നു. നമ്മള്‍ സാധാരണയായി പറയുന്ന കൊക്കെയ്ന്‍ ആയിരുന്നു അത്. അത് കണ്ടപ്പോള്‍ താന്‍ അവിടെ നിന്ന് പോയെന്നും ബോളിവുഡിലെ പാര്‍ട്ടികളില്‍ എന്താണ് നടക്കുന്നതെന്ന് അതോടെ മനസിലായെന്നും ഷെര്‍ലിന്‍ ചോപ്ര പറഞ്ഞു.