ഗർഭഛിദ്രം നടത്തി, കുട്ടികൾ വേണ്ടെന്ന് പറഞ്ഞു... അവിഹിത ബന്ധവും... തുറന്നടിച്ച് സാമന്ത
തെലുങ്ക് താരദമ്പതികളായിരുന്ന സാമന്തയും നാഗചൈതന്യയും വിവാഹബന്ധം വേര്പെടുത്തിയ ശേഷം ഇത് സംബന്ധിച്ച് നിരവധി ഗോസിപ്പുകൾ സോഷ്യൽ മീഡിയയിൽ ഇടംപിടിച്ചിരുന്നു. ഇരുവരും തമ്മിൽ പിരിയാൻ കാരണമായത് സാമന്തയുടെ വഴിവിട്ട ജീവിത രീതികളാണെന്ന തരത്തിൽ വാർത്തകൾ പ്രചരിച്ചിരുന്നു. ഇത്തരം വ്യാജ വാർത്തകൾക്കെതിരെ രൂക്ഷ പ്രതികരണവുമായി രംഗത്തെത്തിയിരിക്കുകയാണ് ഇപ്പോൾ താരം.
സോഷ്യൽ മീഡിയയിൽ പോസ്റ്റ് ചെയ്ത കുറിപ്പിലാണ് സാമന്ത ഇക്കാര്യം വെളിപ്പെടുത്തിയത്. വിഷമ ഘട്ടത്തില് തനിക്ക് പിന്തുണയുമായി നിന്ന ആരാധകരോട് താരം ആദ്യം നന്ദി പറയുന്നുണ്ട്. ഒരു വ്യക്തിപരമായ പ്രശ്നത്തില് നിങ്ങള് വൈകാരികമായ ഇടപെടുന്നുവെന്നത് ഏറെ സന്തോഷം തോന്നുന്ന കാര്യമാണ്.
എന്നോട് അനുകമ്പ കാണിച്ചതിനും കരുതല് കാണിച്ചതിനും വ്യാജ പ്രചരണങ്ങളെ ചെറുത്തു നിന്നതിനും നന്ദി. തനിക്ക് മറ്റ് രഹസ്യ ബന്ധങ്ങളുണ്ടെന്ന് അവർ പ്രചരിപ്പിച്ചു. കുട്ടികള് വേണ്ടെന്ന് പറഞ്ഞതായും നിരവധി തവണ ഗര്ഭഛിദ്രം നടത്തിയെന്നും വ്യാജപ്രചരണം നടന്നു. താന് ഒരു അവസരവാദിയാണെന്ന് പറഞ്ഞ് പരത്തിയതായും പോസ്റ്റില് നടി കുറിക്കുന്നു. വേദന നിറഞ്ഞ പ്രക്രിയയാണ് വിവാഹമോചനമെന്നും തന്നെ അതിന്റെ മുറിവുണങ്ങാന് അനുവദിക്കണമെന്നും, ഞാന് നിങ്ങള്ക്ക് വാക്ക് തരുന്നു, ഇതൊന്നും എന്നെ തകര്ക്കുകയില്ലെന്നും സാമന്ത കുറിച്ചു.
ഇൻസ്റ്റഗ്രാം സ്റ്റോറിയിലൂടെയും താരം കഴിഞ്ഞ ദിവസങ്ങളിൽ പ്രതികരിച്ചിരുന്നു. ഒരേ വിഷയത്തില് സ്ത്രീകളുടെയും പുരുഷന്മാരുടെയും പ്രവര്ത്തികളെ സമൂഹം പലതരത്തിലാണ് കാണുന്നത് എന്നാണ് താരം പറഞ്ഞത്. "സ്ത്രീകള് ഒരു കാര്യം ചെയ്യുമ്പോൾ നിരന്തരം ധാര്മികമായി ചോദ്യം ചെയ്യപ്പെടുകയാണ്. എന്നാല് അതേ സമയം പുരുഷന്മാര് ചെയ്യുമ്പോൾ ധാര്മികമായി ചോദ്യം ചെയ്യപ്പെടുന്നില്ല. അങ്ങനെയാണെങ്കില് ഒരു സമൂഹം എന്ന നിലയില് നമ്മള് അടിസ്ഥാനപരമായി ധാര്മികതയില് അല്ല ജീവിക്കുന്നത്" ഇതായിരുന്നു സാമന്ത നടത്തിയ പ്രതികരണം.
ഇരുവരുടെയും വേർപിരിയൽ വാർത്ത സംബന്ധിച്ച് നിരവധി അഭ്യൂഹങ്ങൾ പുറത്തുവന്നിരുന്നെങ്കിലും ഇവയോട് പ്രതികരിക്കാൻ താരങ്ങൾ തയ്യാറായിരുന്നില്ല. കേട്ടതൊന്നും ശരിയാകില്ലെന്ന് പലരും പ്രതീക്ഷിച്ചു. പക്ഷെ സകല പ്രതീക്ഷകളും തെറ്റിച്ചു കൊണ്ട് ഒക്ടോബര് രണ്ടിന് തങ്ങള് പിരിയുകയാണെന്നും ഇനി മുതല് ഭാര്യയും ഭര്ത്താവും ആയിരിക്കില്ലെന്നും സാമന്തയും നാഗ ചൈതന്യയും അറിയിക്കുകയായിരുന്നു.
2017 ലായിരുന്നു സാമന്തയും നാഗ ചൈതന്യയും വിവാഹിതരാകുന്നത്. ഇരുവരും നാളുകള് പ്രണയിച്ച ശേഷമായിരുന്നു വിവാഹിതരാകുന്നത്. ഒക്ടോബര് ആറിന് വിവാഹത്തിന്റെ നാലാം വാര്ഷികം ആഘോഷിക്കാനിരിക്കുകയായിരുന്നു ഇരുവരും. ഇതിനിടെയാണ് താരങ്ങള് തങ്ങള് പിരിയുകയാണെന്ന വാര്ത്ത പങ്കുവെക്കുന്നത്. ആരാധകരെ ഏറെ നിരാശപ്പെടുത്തുന്നതായിരുന്നു ഈ തീരുമാനം.
https://www.facebook.com/Malayalivartha