അമ്മയായ സന്തോഷം പങ്കുവച്ച് നടി ശ്രിയ ശരൺ; ആശംസകൾ നേർന്ന് ആരാധകർ
നീണ്ട കാലത്തെ പ്രണയത്തിനൊടുവില് 2018 ലായിരുന്നു ശ്രിയ ശരണും റഷ്യന് സ്വദേശിയായ ആന്ഡ്രേയ് കൊഷ്ചിവും തമ്മില് വിവാഹിതരാവുന്നത്. വളരെ രഹസ്യമായിട്ടായിരുന്നു അന്ന് താര വിവാഹം നടന്നത്. ഇന്ത്യയിലെ പരമ്പരാഗതമായ ചടങ്ങുകളിലൂടെയാണ് ശ്രിയയും ആന്ഡ്രോയും വിവാഹിതരായത്.
കല്യാണശേഷമുള്ള ചിത്രങ്ങള് പുറത്ത് വന്നപ്പോഴാണ് നടിയുടെ വിവാഹം കഴിഞ്ഞെന്ന കഥ വാര്ത്തയാവുന്നത്. ഇപ്പോഴിതാ അമ്മയായ സന്തോഷം പങ്കുവെച്ച് രംഗത്തെത്തിയിരിക്കുകയാണ് താരം. കഴിഞ്ഞ വര്ഷം ഗര്ഭിണിയായിരുന്നു എന്ന് സൂചിപ്പിച്ച് കൊണ്ട് നിറവയറിലുള്ള ശ്രിയയുടെ ഫോട്ടോ താരം തന്നെ പുറത്തുവിടുകയായിരുന്നു.
ലോകം വളരെ പ്രക്ഷുബ്ദമായ അവസ്ഥയിലൂടെ കടന്ന് പോകുന്നതിനൊപ്പം ഞങ്ങളുടെ ലോകം എന്നന്നേക്കുമായി മാറുകയായിരുന്നു. അവിടെ സാഹസികതയും ആവേശവും ചില പഠനങ്ങളും നിറഞ്ഞൊരു ലോകമാണ്.
ഞങ്ങളുടെ ജീവിതത്തിലേക്ക് ഒരു മാലാഖ ഉണ്ടായതില് വളരെയധികം അനുഗ്രഹീതരാണ്. ഞങ്ങള് ദൈവത്തോട് നന്ദിയുള്ളവരുമായിരിക്കും. എന്നും പറഞ്ഞാണ് ശ്രിയ വീഡിയോ പോസ്റ്റ് ചെയ്തിരിക്കുന്നത്.
അവധി ആഘോഷിക്കാന് മാലിദ്വീപില് പോയ ശ്രിയ ആന്ഡ്രോയെ കണ്ടുമുട്ടുകയായിരുന്നു. അവിടുന്ന് കണ്ട് പരിചയപ്പെട്ട ഇരുവരും സൗഹൃദത്തിലായി. പിന്നീടത് പ്രണയമായതോടെ വിവാഹം കഴിക്കുകയായിരുന്നു.
https://www.facebook.com/Malayalivartha