എല്ലാവരുടെയും പ്രാർത്ഥന ഉണ്ടാവണം. ഒടുവിൽ അതും സംഭവിച്ചു.ആ ചിത്രം പുറത്ത് വിട്ട് ദിലീപ്. അമ്പരപ്പോടെ ആരാധകർ . ദിലീപ് കാവ്യ ദമ്പതികളുടെ മകൾ മഹാലക്ഷ്മി ആദ്യാക്ഷരം കുറിക്കുന്ന ചിത്രം പുറത്തുവിട്ടിരിക്കുകയാണ് നടൻ . ഫേസ്ബുക്കിലൂടെയാണ് താരം മകളെ എഴുത്തിന് ഇരുത്തിയ ചിത്രം പോസ്റ്റ് ചെയ്തത്.

ആവണംകോട് സരസ്വതി ക്ഷേത്ര നടയിലായിരുന്നു മഹാലക്ഷ്മി ആദ്യാക്ഷരം കുറിച്ചത്. അമ്മ കാവ്യയും ദിലീപിനൊപ്പം തന്നെയുണ്ടായിരുന്നു. മകൾക്ക് എല്ലാവരുടെയും അനുഗ്രഹവും പ്രാർത്ഥനയും ഉണ്ടാകണമെന്നും ദിലീപ് പോസ്റ്റിൽ കുറിച്ചു; പോസ്റ്റിന്റെ പൂർണ്ണ രൂപം ഇങ്ങനെ;

ഇന്ന് ഞങ്ങളുടെ മഹാലക്ഷ്മി ആദ്യാക്ഷരം കുറിച്ചു. ശ്രീശങ്കരന്റെ ദിവ്യസാന്നിദ്ധ്യം നിറഞ്ഞ ആവണംകോട് സരസ്വതി ക്ഷേത്രനടയിൽ. ആദ്യാക്ഷരം അമ്മയാണ്, എല്ലാത്തിന്റേയും പ്രഭവം. മഹാലക്ഷ്മിയെ സരസ്വതി ദേവി അനുഗ്രഹിക്കട്ടെ...എല്ലാവരുടെയും അനുഗ്രഹവും പ്രാർത്ഥനയും ഉണ്ടാകണം

മലയാളികളുടെ പ്രിയപ്പെട്ട താരദമ്പതികളാണ് ദിലീപും കാവ്യ മാധവനും. ഇരുവരുടെയും കുടുംബ വിശേഷങ്ങൾ ഏറെ താല്പര്യത്തോടെയാണ് പ്രേക്ഷകർ അറിയാറുള്ളത് . മാതാപിതാക്കളെയും ചേച്ചിയേയും പോലെ തന്നെ ദിലീപിന്റെയും കാവ്യയുടെയും മകൾ മഹാലക്ഷ്മിയുടെ വിശേഷങ്ങൾ അറിയാനും താരപുത്രിയുടെ പിറന്നാൾ ആഘോഷിക്കാനുമെല്ലാം ആരാധകർ ശ്രമിക്കാറുണ്ട്.

നാളെ താരപുത്രിയുടെ പിറന്നാളാണ്. മഹാലക്ഷ്മിയ്ക്ക് മൂന്ന് വയസ്സ് തികയുകയാണ്.സോഷ്യൽ മീഡിയയിലൂടെ മഹാലക്ഷ്മിയുടെ പിറന്നാൾ ആഘോഷിക്കാനുള്ള തയ്യാറെടുപ്പിലാണ് ആരാധകർ. ഇത്തവണത്തെ പിറന്നാൾ ഗംഭീരമാക്കാനാണ് തീരുമാനം. മഹാലക്ഷ്മിയ്ക്ക് ആശംസകൾ അറിയിച്ചുള്ള പോസ്റ്റുകൾ രണ്ട് ദിവസം മുൻപ് തന്നെ സമൂഹ മാധ്യമങ്ങളിൽ വൈറലാവുകയാണ്.