ഓരോ തവണയും കൃത്രിമക്കാൽ ഊരിമാറ്റി വിമാനത്താവളങ്ങളിൽ പരിശോധനയ്ക്ക് വിധേയയാകേണ്ടി വരുന്നത് വേദനാജനകം:- ഇത് മനുഷ്യ സാധ്യമാണോ മോദിജീ.. പ്രതിഷേധവുമായി നടി സുധ ചന്ദ്രൻ
ഔദ്യോഗിക ആവശ്യങ്ങള്ക്കായി യാത്ര ചെയ്യുമ്പോൾ ഓരോ തവണയും കൃത്രിമക്കാൽ ഊരിമാറ്റി വിമാനത്താവളങ്ങളിൽ പരിശോധനയ്ക്ക് വിധേയയാകേണ്ടി വരുന്നത് വേദനാജനകമെന്ന് തുറന്നടിച്ച് നടിയും നർത്തകിയുമായ സുധ ചന്ദ്രൻ.
ഇൻസ്റ്റഗ്രാമിൽ പങ്കുവച്ച വീഡിയോയിലൂടെയാണ് സുധ തന്റെ പ്രതിഷേധം അറിയിച്ചത്. ഇത്തരം പരിശോധനകൾ ഒഴിവാക്കാൻ തന്നെപ്പോലുള്ള മുതിര്ന്ന പൗരന്മാർക്ക് പ്രത്യേക കാർഡ് നൽകണമെന്ന് അവർ പ്രധാനമന്ത്രി നരേന്ദ്ര മോദിയോട് വീഡിയോയിലൂടെ അഭ്യർത്ഥിച്ചു.
പ്രധാനമന്ത്രി നരേന്ദ്ര മോദിയുടെയും കേന്ദ്ര സര്ക്കാരിന്റെയും ശ്രദ്ധക്ഷണിച്ചാണ് സുധ തന്റെ വീഡിയോ പങ്കുവച്ചിരിക്കുന്നത്.
ഇത് മനുഷ്യ സാധ്യമാണോ മോദിജീ.. നമ്മുടെ രാജ്യത്തെക്കുറിച്ച് ഇങ്ങനെയാണോ ചര്ച്ച ചെയ്യപ്പെടേണ്ടത്? നമ്മുടെ സമൂഹത്തില് ഒരു സ്ത്രീ മറ്റൊരു സ്ത്രീക്ക് ബഹുമാനം നല്കേണ്ടത് ഇപ്രകാരമാണോ?
മുതിര്ന്ന പൗരന്മാര്ക്ക് ഒരു കാര്ഡ് നല്കുകയാണെങ്കില് അത് പ്രയോജനപ്പെടും.- സുധാ ചന്ദ്രന് പറഞ്ഞു.
തന്റെ സന്ദേശം അധികാരികളിൽ എത്തുമെന്നും വേണ്ട നടപടി കൈകൊള്ളുമെന്നുമുള്ള പ്രതീക്ഷയും സുധ പങ്കുവയ്ക്കുന്നു. സെലിബ്രിറ്റികളടക്കം നിരവധി പേർ സുധയുടെ വീഡിയോ പങ്കുവച്ചിട്ടുണ്ട്.
സുധയെ പോലുള്ളവർക്ക് നീതി ഉറപ്പാക്കണമെന്നും ഇത്തരം സാഹചര്യങ്ങൾ ഒഴിവാക്കാനുള്ള നടപടി കൈക്കൊളളണമെന്നും ഇവർ ആവശ്യപ്പെടുന്നു. വർഷങ്ങൾക്ക് മുമ്പ് കാറപകടത്തെ തുടർന്നാണ് സുധയ്ക്ക് കാൽ നഷ്ടമാകുന്നത്. പിന്നീട് കൃത്രിമ കാലുമായി സുധ നൃത്തത്തിലേക്കും അഭിനയ രംഗത്തേക്കും തിരിച്ച് വരുകയായിരുന്നു.
https://www.facebook.com/Malayalivartha