ബോഡി ഷെയ്മിങ്ങിനെ കുറിച്ച് സമീറ റെഡ്ഡി... സമൂഹം കല്പ്പിക്കുന്ന അഴകിന്റെ അളവുകോലുകള്ക്ക് പിന്നാലെ പോകുന്നതില് അര്ത്ഥമില്ലെന്ന് സമീറ
ബോളിവുഡിലും തെന്നിന്ത്യയിലും ഒരുപോലെ സജീവമായിരുന്ന താരമാണ് സമീറ റെഡ്ഡി. വിവാഹശേഷം അഭിനയത്തില് നിന്ന് വിട്ടു നില്ക്കുകയാണെങ്കിലും സോഷ്യല് മീഡിയയില് നിറഞ്ഞു താരം നില്ക്കുകയാണ്. താരത്തിന്റെ നിലപാടുകളാണ് താരത്തെ വ്യത്യസ്തയാക്കുന്നത്. ബോഡി ഷെയ്മിങ്ങിനെക്കുറിച്ചും പ്രസവശേഷം സ്ത്രീകള്ക്കുണ്ടാകുന്ന ബുദ്ധിമുട്ടുകളെക്കുറിച്ചുമെല്ലാം സമീറ തുറന്നെഴുതാറുണ്ട്.
ഇപ്പോഴിതാ, അത്തരമൊരു പോസ്റ്റ് പങ്കുവച്ചിരിക്കുകയാണ് താരം ഇവിടെ. നിങ്ങളുടെ ശരീരം എങ്ങനെയാണോ അതിനെ കുറിച്ച് ആരോടും വിശദീകരണം നല്കേണ്ടതില്ല. നിങ്ങളുടെ ശരീരം എന്തുകൊണ്ടാണ് പ്രത്യേകരീതിയില് ഇരിക്കുന്നത് എന്നതിന് കാരണമോ ന്യായമോ നിങ്ങള് നല്കേണ്ടതില്ല. പ്രസവത്തെ തുടര്ന്നാണ് ഭാരം കൂടിയതെന്ന 'ന്യായം' ഞാന് പറയുന്നുണ്ടെന്ന് പലരും പറയുന്നതു കേട്ടു. പക്ഷേ ഞാന് അതിനെതിരാണ്. വണ്ണം എപ്പോള് വേണമെങ്കിലും ആര്ക്കും വരാം.. സമീറ കുറിച്ചു.
അമ്മയാവുന്നതിന് മുമ്ബും പലതവണ തനിക്ക് വണ്ണം കൂടിയിട്ടുണ്ടെന്നും സമീറ പറയുന്നു. ബോഡി ഷെയ്മിങ്ങിനെതിരെ ശക്തമായി പ്രതികരിക്കുന്ന നടിയാണ് സമീറ റെഡ്ഡി. സമൂഹം കല്പ്പിക്കുന്ന അഴകിന്റെ അളവുകോലുകള്ക്ക് പിന്നാലെ പോകുന്നതില് അര്ത്ഥമില്ലെന്നും സ്വന്തം ആരോഗ്യത്തിലും സന്തോഷത്തിലുമാണ് ശ്രദ്ധിക്കേണ്ടതെന്നും സമീറ പറയുന്നു.
imperfectlyperfect എന്ന ഹാഷ്ടാഗ് നല്കിയാണ് സമീറ തന്റെ പഴയ ഫോട്ടോയും ഏറ്റവും ഒടുവിലത്തെ ഫോട്ടോയും പങ്കുവച്ചിരിക്കുന്നത്. ബോഡി ഷെയ്മിങ് നേരിടുന്നവര്ക്ക് ആത്മവിശ്വാസം നല്കുന്നതാണ് സമീറയുടെ ഓരോ പോസ്റ്റുകളും.
https://www.facebook.com/Malayalivartha