ഏറെ വര്‍ഷങ്ങളായി പ്രണയത്തിലായിരുന്ന നയൻതാരയും വിഘ്‌നേഷും വിവാഹിതരാകാൻ പോകുന്നുവെന്നും, മാസങ്ങള്‍ക്ക് മുമ്പ് വിവാഹ നിശ്ചയം കഴിഞ്ഞുവെന്നും ഒരു തമിഴ് ചാനലില്‍ അതിഥിയായി എത്തിയ നയൻസ് വെളിപ്പെടുത്തിയിരുന്നു. ഇതോടെ താര വിവാഹത്തിനായി ആരാധകർ കട്ട വെയ്റ്റിങ്ങിൽ ആയിരുന്നു.

ഇപ്പോഴിതാ ആരാധകരെ ആകാംഷയുടെ മുൾമുനയിൽ നിർത്തി പുറത്ത് വരുന്നത് നയൻ‌താര വരണമാല്യം ചാർത്തുന്നത് മറ്റൊരാൾക്കെന്ന റിപ്പോർട്ടുകളാണ്. വിവാഹം ഈ വര്‍ഷം നടക്കുമെന്ന് വാര്‍ത്തകള്‍ വന്നതിന് പിന്നാലെയാണ് നയന്‍താര ആദ്യം വരണമാല്യം ചാര്‍ത്തുന്നത് വിഘ്‌നേഷ് ശിവനെയല്ലയെന്ന വാര്‍ത്തകള്‍ പുറത്ത് വരുന്നത്.

നയന്‍താരയുടെ ജാതകദോഷം പരിഹരിക്കാനാണ് ജ്യോതിഷിയുടെ നിര്‍ദ്ദേശപ്രകാരം വിവാഹത്തിന് മുന്‍പ് വരണമാല്യം മറ്റൊരാള്‍ക്ക് ചാര്‍ത്തുന്നത്. നയന്‍താരയും വിഘ്‌നേഷ് ശിവനും അടുത്തിടെ ഒട്ടേറെ ക്ഷേത്രങ്ങങ്ങളില്‍ സന്ദര്‍ശനം നടത്തിയിരുന്നു. ഷിര്‍ദി സായി ക്ഷേത്രം, മുംബൈയിലെ സിദ്ധി വിനായക് ക്ഷേത്രം, ആന്ധ്രയിലെ തിരുപ്പതി തിരുമലൈ ക്ഷേത്രം എന്നിവിടങ്ങളില്‍ ഇരുവരും സന്ദര്‍ശനത്തിനെത്തിയത് വാര്‍ത്തയായിരുന്നു.

ഐശ്വര്യ റായും അഭിഷേകുമായുള്ള വിവാഹത്തിന് മുന്‍പ് ജാതകദോഷം പരിഹരിക്കാന്‍ മരത്തിന് വരണമാല്യം ചാര്‍ത്തിയിരുന്നു. നയൻതാരയും ജാതകത്തിലുള്ള മാംഗല്യദോഷം മാറ്റാൻ മരത്തിനാണ് ആദ്യം വരണമാല്യം അണിയിക്കുന്നത്. ഹിന്ദുമതത്തിലും ജ്യോതിഷത്തിലും വിശ്വസിക്കുന്ന നടിയിപ്പോൾ തന്റെ ജാതകദോഷം മാറ്റാനായി ജ്യോതിഷിയുടെ ഉപദേശം സ്വീകരിച്ചു എന്നും റിപ്പോർട്ടിൽ പറയുന്നു.

മാത്രമല്ല തിരുമലയിൽ വച്ചാകും വിഘ്‌നേഷും നയൻസും വിവാഹിതരാകുക എന്നും റിപ്പോർട്ടുണ്ട്. വിവാഹ ശേഷം ചെന്നൈയിലെ ഒരു പഞ്ചനക്ഷത്ര ഹോട്ടലിൽ റിസെപ്‌ഷൻ നടത്താൻ പദ്ധതിയുണ്ടെന്നും റിപ്പോർട്ടുണ്ട്. ബാലയ്യ, ചിരഞ്ജീവി, സാമന്ത തുടങ്ങിയ സിനിമാ താരങ്ങൾ ചടങ്ങിൽ പങ്കെടുക്കുമെന്നാണ് സൂചന.

വിശേഷ ദിവസങ്ങളില്‍ വിഘ്‍നേശ് ശിവൻ നയൻതാരയുടെ ഫോട്ടോകള്‍ പങ്കുവയ്ക്കാറുണ്ട്. നയൻസിന്റെയും വിഘ്‌നേഷിന്റെയും ആരാധകർ ചിത്രങ്ങളൊക്കെ ഏറ്റെടുക്കാറുമുണ്ട്. വിഘ്‍നേശ് ശിവൻ സംവിധാനം ചെയ്‍ത ചിത്രമായ നാനും റൗഡിതാൻ റിലീസ് ചെയ്‍തത്തിന്റെ ആറു വര്‍ഷം തികഞ്ഞ ദിവസം നയൻസുമൊത്തുള്ള ചിത്രങ്ങൾ സമൂഹമാധ്യമങ്ങളിൽ പങ്കുവച്ചിരുന്നു.

നാനും റൗഡിതാൻ എന്ന ചിത്രത്തിലാണ് നയൻതാര ആദ്യമായി വിഘ്‍നേശ് ശിവനുമായി ഒന്നിച്ചത്. ഒരു കൊറിയൻ സിനിമയുടെ റീമേക്കായ മിലിന്ദ് റാവുവിന്റെ നേട്രികണ്ണിൽ ആണ് നയൻതാര ഏറ്റവും ഒടുവിൽ അഭിനയിച്ചത്. വിഘ്നേഷ് ആണ് ചിത്രം നിർമ്മിച്ചത്. അതേസമയം, അണ്ണാത്തെ എന്ന സിനിമയിൽ സൂപ്പർ സ്റ്റാർ രജനീകാന്തിനൊപ്പം നയൻതാര ഉടനെയെത്തും. ഇതിനുപുറമെ, കാത്തു വാക്കുകളുടെ രണ്ട് കടൽ, ഗോഡ്ഫാദർ, ഗോൾഡ് എന്നിവയുൾപ്പെടെ നിരവധി സിനിമകൾ ആണ് അണിയറയിൽ ഒരുങ്ങുന്നത്.