സിനിമയില് അഭിനയിക്കുന്ന എന്നെയാണ് ചിരുവിന് ഇഷ്ടം.... കാമറയ്ക്ക് മുന്നില് താന് വീണ്ടും എത്തിയതിനെ കുറിച്ച് മേഘ്നരാജ്
ഒന്നരവര്ഷത്തിനുശേഷമാണ് അഭിനയരംഗത്തേക്കുള്ള മടങ്ങിവരവ് നടത്തിയിരിക്കുകയാണ് മേഘ്നരാജ്. നവാഗതനായ വിശാല് സംവിധാനം ചെയ്യുന്ന ത്രില്ലര് ചിത്രത്തില് ശക്തമായ കഥാപാത്രത്തെയാണ് മേഘ്ന അവതരിപ്പിക്കുന്നത്. താന് കാമറയ്ക്ക് മുന്നില് എത്തുന്ന വിവരം സമൂഹമാദ്ധ്യമത്തിലൂടെയാണ് മേഘ് ന ആരാധകരെ അറിയിച്ചത്. സിനിമയെക്കുറിച്ചുള്ള കൂടുതല് വിവരങ്ങള് വൈകാതെ അറിയിക്കുമെന്നും മേഘ്ന പറഞ്ഞു. മേഘ്ന അഭിനയരംഗത്തേക്ക് മടങ്ങി എത്തുമ്ബോള് മറ്റൊരു ആഹ്ളാദമായി മകന് റയാന് രാജ് സര്ജയുടെ ഒന്നാം ജന്മദിനവും കൂടിയായിരുന്നു. 'ചിരു... നമ്മുടെ കുഞ്ഞ് രാജകുമാരന് ഒരു വയസായി .എന്റെ കുഞ്ഞേ, ഞാന് നിന്നെ സ്നേഹിക്കുന്നു. നീ, എത്രവേഗത്തിലാണ് വളരുന്നത്. നമ്മള് എന്നും ഇങ്ങനെ പരസ്പരം ചേര്ന്നിരിക്കണമെന്ന് ഞാന് ആഗ്രഹിക്കുന്നു. ജന്മദിനാശംസകള്... അപ്പയും അമ്മയും നിന്നെ സ്നേഹിക്കുന്നു'.മകന്റെ ഒപ്പമുള്ള ചിത്രങ്ങള് പങ്കുവച്ച് മേഘ്ന രാജ് സമൂഹമാദ്ധ്യമത്തില് കുറിച്ചു. നിരവധി പേരാണ് മേഘ്നയുടെ കുഞ്ഞുരാജകുമാരന് ആശംസയുമായി എത്തിയത്.
''സിനിമയില് അഭിനയിക്കുന്ന എന്നെയാണ് ചിരുവിന് ഇഷ്ടം. ഞാന് ഒരുപാട് സിനിമകളില് അഭിനയിക്കണമെന്ന് ചിരു ആഗ്രഹിച്ചു. ലോക് ഡൗണിനു മുന്പാണ് കന്നട ചിത്രം 'ബുന്ദിവന്ത'യില് അഭിനയിക്കുന്നത്. യക്ഷിയും ഞാനും എന്ന ചിത്രത്തിലൂടെയാണ് മലയാളത്തില് എത്തുന്നത്.രണ്ടു വര്ഷമായി മലയാളത്തില് അഭിനയിച്ചിട്ട്.''മേഘ് ന പറഞ്ഞു. ചിരഞ്ജീവി സര്ജ മേഘ്നയ്ക്കും പ്രിയപ്പെട്ടവര്ക്കും ചിരു ആണ്. ചിരുവിന്റെ സ് നേഹം നിറഞ്ഞ ഓര്മകള് ഒരു വര്ഷം പിന്നിടുന്നു.
''ചിരുവിന്റെ മുഖത്ത് എപ്പോഴും കൂട്ടിന് ചിരിയുണ്ട്. ചിരിയുള്ള മുഖത്തോടെ മാത്രമേ ഞാന് കണ്ടിട്ടുള്ളൂ. ചിരുവിന്റെ ചിത്രങ്ങളിലെല്ലാം നിറഞ്ഞ ചിരിയുണ്ട്. തമാശ കേട്ടാല് എറെ നേരം ആസ്വദിച്ച് ചിരിക്കും.മറ്റൊരാള് വിഷമിക്കുന്നത് ഇഷ്ടമല്ല. അതു വേഗം പരിഹരിക്കും. എല്ലാവരും എപ്പോഴും സന്തോഷത്തില് കഴിയണം എന്നായിരുന്നു ചിരുവിന്റെ ആഗ്രഹം.പ്രിയപ്പെട്ടവര്ക്കൊപ്പം ജീവിതം നന്നായി ചിരു ആഘോഷിച്ചത് തനിക്ക് വേഗം പോവാന് വേണ്ടിയാണെന്ന് തോന്നുന്നു. എല്ലാവര്ക്കും സന്തോഷം മാത്രമാണ് കൊടുത്തത്. ഞങ്ങളുടെ രണ്ടുപേരുടെ കുടുംബത്തിനും എറെ പ്രിയപ്പെട്ടവന്. കഴിഞ്ഞ വര്ഷം ജൂണ് 7 നാണ് ചിരു ഹൃദയാഘാതത്തെ തുടര്ന്ന് മരിച്ചത്. ലോക് ഡൗണിലാണ് ഞാനുമായി കൂടുതല് പ്രണയത്തിലായതെന്ന് ചിരു പറയുമായിരുന്നു.ആസമയത്ത് ചിരു എന്റെ അരികില് തന്നെ ഉണ്ടായിരുന്നു.ഞാന് ചിരുവിനെയും കൂടുതല് പ്രണയിച്ചു.''മേഘ്നയുടെ വാക്കുകള്.കന്നട സിനിമ 'അട്ടഗരെ'യിലാണ് ചിരുവും മേഘ്നയും ആദ്യമായും അവസാനമായും ഒന്നിച്ചഭിനയിച്ചത്.
https://www.facebook.com/Malayalivartha