ദിലീപ്–കാവ്യ മാധവൻ ദമ്പതികളുടെ മകൾ മഹാലക്ഷ്മി ആദ്യാക്ഷരം കുറിക്കുന്ന ചടങ്ങിലെ ചിത്രങ്ങൾ നേരത്തെ പുറത്ത് വന്നിരുന്നു. അതിന്റെ കൂടുതൽ ചിത്രങ്ങൾ ഇപ്പോൾ പുറത്ത് വരികയാണ്. ചിത്രങ്ങൾ ഇതിനോടകം വൈറലായി കഴിഞ്ഞു ഫൊട്ടോഗ്രാഫറായ അരുൺ ശങ്കർ മേനോനാണ് ഈ ചിത്രങ്ങൾ എടുത്തത് .

ആവണംകോട് സരസ്വതി ക്ഷേത്രനടയിൽ വച്ചായിരുന്നു ചടങ്ങുകൾ നടന്നത്. മഹാലക്ഷ്മി ആദ്യാക്ഷരം കുറിച്ചത് അച്ഛന്റെ മടിയിലിരുന്നായിരുന്നു . മകൾ ഇടയ്ക്ക് വാശിപിടിക്കുമ്പോൾ താലോലിക്കുന്ന കാവ്യയെയും ചിത്രങ്ങളിൽ കാണാൻ സാധിക്കും . മീനാക്ഷിയും മഹാലക്ഷ്മിക്കൊപ്പമുണ്ടായിരുന്നു. ചടങ്ങിലെ ചില ചിത്രങ്ങൾ ദിലീപ് നേരത്തെ പങ്കുവച്ചിരുന്നു.

മഹാലക്ഷ്മിക്കും മീനാക്ഷിക്കും കാവ്യ മാധവനുമൊപ്പമുള്ള ചിത്രം പങ്കുവച്ച് ദിലീപ് അന്ന് കുറിച്ചത് ഇങ്ങനനെയായിരുന്നു . ''ഞങ്ങളുടെ മഹാലക്ഷ്മി ആദ്യാക്ഷരം കുറിച്ചു. ശ്രീശങ്കരന്റെ ദിവ്യസാന്നിദ്ധ്യം നിറഞ്ഞ ആവണംകോട് സരസ്വതി ക്ഷേത്രനടയിൽ. ആദ്യാക്ഷരം അമ്മയാണ്‌, എല്ലാത്തിന്റേയും പ്രഭവം. മഹാലക്ഷ്മിയെ സരസ്വതി ദേവി അനുഗ്രഹിക്കട്ടെ...എല്ലാവരുടെയും അനുഗ്രഹവും പ്രാർത്ഥനയും ഉണ്ടാകണം''.

2018 ഒക്ടോബര്‍ 19-നായിരുന്നു മഹാലക്ഷ്മിയുടെ ജനിച്ചത് . 2018 നവംബര്‍ 17 നായിരുന്നു പേരിടല്‍ ചടങ്ങ് നടന്നത് . വിജയദശമി ദിനത്തില്‍ ജനിച്ചതുകൊണ്ട് കുടുംബം മലഹാലക്ഷ്മി എന്ന പേര് നൽകുകയായിരുന്നു .സിനിമയിൽ മാത്രം അമ്മയായി ചുരുക്കം ചില സിനിമകളിൽ കണ്ടിട്ടുള്ള കാവ്യയെ ജീവിതത്തിൽ അമ്മയായി കണ്ട ആഘോഷത്തിലായിരുന്നു പ്രേക്ഷകർ.

ഈ കുഞ്ഞുമോൾ നേരത്തെ സൈബർ അറ്റാക്ക് നേരിട്ടിരുന്നു. അതിനെതിരെയും ആരാധകർ രംഗത്ത് എത്തുകയുണ്ടായി.ആ മോൾ എന്ത് ചെയ്തു; അവൾ ലോകത്ത് വരാൻ ദൈവം കണക്കാക്കിയിട്ടുണ്ട്; പിന്നെ ആരെന്ത് പറഞ്ഞിട്ടും കാര്യമില്ല എന്ന കമന്റുകൾ നൽകിക്കൊണ്ടാണ് ആരാധകർ നേരത്തെ രംഗത്ത് എത്തിയത്. എന്തായാലും മഹാലക്ഷ്മിയുടെ പുതിയ ചിത്രങ്ങൾ കണ്ടതിന്റെ സന്തോഷത്തിലാണ് ഒട്ടുമിക്ക പ്രേക്ഷകരും.