അന്തരിച്ച നടൻ ചീരുവിന്റെ മകന്റെയും ഭാര്യ മേഘ്നയുടെയും വിശേഷങ്ങൾ വളരെ കൗതുകത്തോടെയാണ് അവരെ സ്നേഹിക്കുന്നവർ അറിയുന്നത്. മേഘ്ന ഗർഭിണിയായിരുന്ന സമയത്തായിരുന്നു ചീരു മരിച്ചത്. എങ്കിലും ആ പ്രതിസന്ധി ഘട്ടത്തിലും പതറാതെ മേഘ്ന അതിനെ അഭിമുഖീകരിച്ചു.

കുഞ്ഞിന്റെ വിശേഷങ്ങളാണ് ഇപ്പോൾ മേഘ്ന പങ്കുവച്ചിരിക്കുന്നത്, ദീപാവലി ദിനത്തിൽ മേഘ്ന പങ്കുവെച്ച് വിശേഷം ഇങ്ങനെ. മകന്റെ വളർച്ചയുടെ ഓരോ ഘട്ടവും ആരകാധകരുമായി പങ്കുവയ്ക്കാറുണ്ട് താരം.ജൂനിയർ ചീരുവിന്റെ മനോഹരമായ ചില ചിത്രങ്ങളാണ് പങ്കുവച്ചിരിക്കുന്നത് . ദീപാവലി ആശംസകൾ നേർന്നു കൊണ്ടായിരുന്നു കുഞ്ഞ് റയാന്റെ വിവിധ ഭാവങ്ങളുള്ള ചിത്രങ്ങൾ താരം പോസ്റ്റ് ചെയ്തത്.

റയാന്റെ വ്യത്യസ്ത മൂഡുകൾ എന്ന ക്യാപ്‌ഷനായിരുന്നു ചിത്രങ്ങൾക്ക് കൊടുത്തത് . ക്യൂട്ട് ചിരിയുമായും വാശിപിടിച്ച് കരയുകയും ചെയ്യുന്ന കുഞ്ഞുചീരുവിനെ ഫോട്ടോകളിൽ കാണാം. എല്ലാവരുടെയും ജീവിതത്തിൽ പ്രകാശവും സന്തോഷവും ഉണ്ടാവട്ടേയെന്ന് പ്രാര്‍ഥിക്കുന്നു. ദീപാവലി ആശംസകള്‍ നേരുന്നുവെന്നാണ് ചിത്രങ്ങൾ പങ്കുവച്ച് താരം കുറിച്ചത്.

റയാന്റെ ആദ്യ വിജയദശമി ആഘോഷങ്ങളുടെ ചിത്രങ്ങളും മേഘ്ന പങ്കുവച്ചിരുന്നു. കഴിഞ്ഞ കൊല്ലം നവരാത്രി നാളിലായിരുന്നു റയാന്റെ ജനനം. നവരാത്രി ആഘോഷങ്ങൾക്കായി ഒരുക്കിയ ബൊമ്മക്കൊലുവിന് മുന്നിലിരുക്കുന്ന മകന്റെ ചിത്രങ്ങളാണ് താരം ആരാധകർക്കായി പോസ്റ്റ് ചെയ്തത്. മകന്റെ പേരിടൽ ചടങ്ങിന്റെ വിഡിയോയും മേഘ്ന പോസ്റ്റ് ചെയ്തിരുന്നു.ഒക്ടോബർ 22 നായിരുന്നു റയാന്റെ ഒന്നാം പിറന്നാൾ.

മകന് പിറന്നാൾ ആശംസകൾ നേർന്നുകൊണ്ട് കുറിപ്പും മേഘ്ന പങ്കുവച്ചിരുന്നു. ‘ചീരു...നമ്മുടെ കുഞ്ഞ് രാജകുമാരന് ഒരു വയസ്സായി.. ഞാൻ നിന്നെ സ്നേഹിക്കുന്നു എന്റെ കുഞ്ഞേ, നീ എത്ര വേഗത്തിലാണ് വളരുന്നത്. നമ്മൾ എന്നും ഇങ്ങനെ പരസ്പരം ചേർന്നിരിക്കണമെന്ന് ഞാൻ ആഗ്രഹിക്കുന്നു! ജന്മദിനാശംസകൾ! അപ്പയും അമ്മയും നിന്നെ സ്നേഹിക്കുന്നു.’ മേഘ്ന മൂന്ന് മാസം ഗർഭിണിയായിരിക്കെയാണ് ഭർത്താവ് ചീരഞ്ജീവി സർജ ഹൃദയാഘാതത്തെ തുടർന്ന് മരണമടയുന്നത്.