സ്വിഗ്ഗിയിൽ ഓർഡർ ചെയ്ത ഭക്ഷണം ലഭിച്ചില്ലെന്ന് പ്രധാനമന്ത്രിക്ക് ട്വിറ്ററിലൂടെ പരാതി നൽകി ബംഗാൾ സിനിമാ താരം പ്രസേൻജിത് ചാറ്റർജി. പ്രധാനമന്ത്രി നരേന്ദ്ര മോദിയുടേയും ബംഗാൾ മുഖ്യമന്ത്രി മമതാ ബാനർജിയുടേയും ശ്രദ്ധ ക്ഷണിച്ച് ട്വിറ്ററിൽ എഴുതിയ കുറിപ്പിലാണ് താരം പരാതി പങ്കുവച്ചത്.

ബഹുമാനപ്പെട്ട പ്രധാനമന്ത്രി, സുഖമെന്ന് കരുതുന്നു. ഒരു സുപ്രധാന വിഷയം താങ്കളുടെ ശ്രദ്ധയിൽ പെടുത്താനാണ് ഈ കുറിപ്പെഴുതുന്നത്' താൻ സ്വിഗ്ഗിയിൽ ഭക്ഷണം ഓർഡർ ചെയ്തിരുന്നു.

എന്നാൽ ഓർഡർ മാറിപ്പോയി മറ്റാർക്കോ ലഭിച്ചു. സ്വിഗ്ഗിയിൽ ബന്ധപ്പെട്ടപ്പോൾ തനിക്ക് പണം തിരികെ ലഭിച്ചു. എന്നാൽ ഈ പ്രശ്‌നം ഇനി ആവർത്തിക്കാതിരിക്കാന്‍ പ്രധാനമന്ത്രിയും മുഖ്യമന്ത്രിയും ഇടപെടണം ഇന്ന് താരം പറയുന്നു.

ഇത് പോലുള്ള ഓൺലൈൻ ആപ്ലിക്കേഷനുകളിൽ ഭക്ഷണം ഓർഡർ ചെയ്ത് അഥിതികളെ ക്ഷണിച്ച് വരുത്തുകയും പിന്നീട് ഭക്ഷണം മുടങ്ങിപ്പോവുകയും ചെയ്താൽ എന്ത് ചെയ്യും?, ഇത്തരം ആപ്പുകളെ ആശ്രയിച്ച് ഭക്ഷണം ലഭിക്കാതെ പോയാൽ അത്താഴം മുടങ്ങിപ്പോവില്ലേ? പ്രസേൻജിത് ചോദിക്കുന്നു.