നിവേദ്യം എന്ന മലയാള ചിത്രത്തിലൂടെ അഭിനയ ലോകത്തേക്ക് എത്തിയ താരമാണ് ഭാമ. മലയാളത്തിന് പുറമെ തമിഴ്, തെലുങ്ക് സിനിമകളിലും സജീവമായിരുന്നു താരം. അഭിനേത്രി എന്നതിനപ്പുറം മികച്ച ഒരു നര്‍ത്തകി കൂടിയാണ് ഭാമ. മലയാളത്തിലെ മുന്‍നിര നായികയായി ഉയര്‍ന്നുവന്ന സമയത്തായിരുന്നു താരം അഭിനയത്തില്‍ നിന്നും ഇടവേള എടുത്തത്. തുടര്‍ന്ന് ബിസിനെസ്സുകാരനായ അരുണ്‍ ജഗദീഷിനെ വിവാഹം കഴിക്കുകയായിരുന്നു.

2020 ലായിരുന്നു താരത്തിന്റെ വിവാഹം. തുടര്‍ന്ന് ഒരു മകള്‍ കൂടി ഭാമയുടെയും അരുണിന്റേയും ജീവിതത്തിലേക്ക് എത്തി. സമൂഹമാധ്യമങ്ങളില്‍ സജീവമായ താരം പങ്കുവയ്ക്കുന്ന പോസ്റ്റുകള്‍ക്കെല്ലാം വലിയ സ്വീകാര്യതയാണ് ലഭിക്കാറുള്ളത്. പുത്തന്‍ മേക്കോവര്‍ ചിത്രങ്ങളും താരം സമൂഹമാധ്യമങ്ങളിലൂടെ പങ്കുവയ്ക്കാറുണ്ട്.
എന്നാല്‍ മകളുടെ ചിത്രങ്ങളൊന്നും താരം സമൂഹമാധ്യമങ്ങളിലൂടെ ആരാധകരുമായി പങ്കുവെച്ചിരുന്നില്ല. അതില്‍ ഭാമയുടെ ആരാധകര്‍ അനിഷ്ടം പ്രകടിപ്പിക്കുകയും ചെയ്തിരുന്നു. എന്നാല്‍ ഇന്നിപ്പോള്‍ ആദ്യമായി മകള്‍ക്കൊപ്പമുള്ള വീഡിയോ പങ്കുവെച്ചിരിക്കുകയാണ് ഭാമ. മകളുടെ മുഖം കാണിക്കാതെയുള്ള വീഡിയോ ആണ് ഭാമ പങ്കുവെച്ചിരിക്കുന്നത്. ഒട്ടേറെ പേരാണ് താരം പങ്കുവെച്ച വീഡിയോയ്ക്ക് താഴെ ലൈക്കും കമന്റുമായി എത്തിയത്. ഇനി എന്നാണ് മകളുടെ മുഖം കാണിക്കുക എന്ന ചോദ്യമാണ് ആരാധകരുടെ ഇടയില്‍ നിന്നും ഉയരുന്നത്.