സഹനടന് താരമൂല്യം കുറഞ്ഞുപോയെന്ന് പരാതി.... ലൂസിഫറിന്റെ തെലുങ്ക് പതിപ്പില് അഭിനയിക്കാന് ബുദ്ധിമുട്ടെണ്ട് നയന്താര?
മോഹന്ലാലിനെ കേന്ദ്രകഥാപാത്രമാക്കി പൃഥ്വിരാജ് ആദ്യമായി സംവിധാനം ചെയ്ത മലയാള ചിത്രമായിരുന്നു ലൂസിഫര്. 2019 മാര്ച്ച് 28 ന് തിയേറ്ററിലെത്തിയ ലൂസിഫര് സൂപ്പര് ഡ്യൂപ്പര് ഹിറ്റ് ആയിരുന്നു. മോഹന്ലാലിനും പൃഥ്വിരാജിനും ഒപ്പം മഞ്ജു വാര്യര്, ടൊവിനൊ തോമസ്, വിവേക് ഒബ്റോയ്, ഇന്ദ്രജിത്ത് സുകുമാരന് എന്നിങ്ങനെ വന് താരനിരയായിരുന്നു അണിനിരന്നത്. ലൂസിഫറിന്റെ രണ്ടാം ഭാഗത്തിനായി കാത്തിരിക്കുകയാണ് പ്രേക്ഷകര്.
നാഷണല് അവാര്ഡ് കിട്ടിയപ്പോള് ആ ഒരു കാര്യത്തില് പേടിയുണ്ടായിരുന്നു, തുറന്ന് പറഞ്ഞ് സുരാജ് ലൂസിഫറിന്റെ തെലുങ്ക് റീമേക്ക് അണിയറയില് ഒരുങ്ങുകയാണ്. മെഗാസ്റ്റാര് ചിരഞ്ജീവിയാണ് ലൂസിഫറിന്റെ തെലുങ്ക് റീമേക്ക് ഒരുക്കുന്നത്. ഗോഡ്ഫാദര് എന്നാണ് തെലുങ്ക് പതിപ്പിന്റെ പേര്. ചിരഞ്ജീവി തന്നെയാണ് ചിത്രത്തില് പ്രധാന വേഷത്തില് എത്തുന്നത്. മലയാളത്തിലെ പോലെ വന് താരനിരയാണ് തെലുങ്കിലും അണിനിരക്കുന്നതെന്നാണ് സൂചന. ടോളിവുഡ് സിനിമാ ലോകം മാത്രമല്ല മലയാളി പ്രേക്ഷകരും ചിത്രത്തിനായി കാത്തിരിക്കുകയാണ്. ചിത്രീകരണം ഹൈദരാബാദില് ആരംഭിച്ചിട്ടുണ്ട്.
മലയാളത്തില് മോഹന്ലാല് അവതരിപ്പിച്ച സ്റ്റീഫന് നെടുമ്ബള്ളിയായി ചിരഞ്ജീവി എത്തുമ്ബോള് മഞ്ജു വാര്യര് അഭിനയിച്ച് കയ്യടി വാങ്ങിയ പ്രിയദര്ശിനി എന്ന കഥാപാത്രത്തെ അവതരിപ്പിക്കുന്നത് നയന്താരയാണ്. കൂടാതെ ചിത്രത്തില് ബോളിവുഡ് താരം സല്മാന് ഖാനും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട് ലൂസിഫറില് പൃഥ്വിരാജ് അവതരിപ്പിച്ച സയ്ദ് മസൂദ് എന്ന കഥാപാത്രത്തെയാണ് സല്മാന് അവതരിപ്പിക്കുന്നത്. ഈ കഥാപാത്രം അവതരിപ്പിക്കാന് ചിരഞ്ജീവി പൃഥ്വിരാജിനെ സമീപിച്ചിരുന്നതായും റിപ്പോര്ട്ടുകള് പ്രചരിച്ചിരുന്നു. എന്നാല് മറ്റ് സിനിമ തിരിക്കുകള് കാരണം ഈ ചിത്രം നിരസിക്കുകയായിരുന്നു.
ഇപ്പോഴിത തെലുങ്ക് ലൂസിഫറുമായി ബന്ധപ്പെട്ട് മറ്റൊരു വാര്ത്ത പുറത്ത് വരുകയാണ്. ചിത്രത്തിലെ കാസ്റ്റംഗില് നയന്താര അതൃപ്തി പ്രകടിപ്പിച്ചതായാണ് റിപ്പോര്ട്ട്. മഞ്ജു വാര്യര് അവതരിപ്പിച്ച പ്രിയദര്ശിനി എന്ന കഥപാത്രത്തെയാണ് നയന്സ് അവതരിപ്പിക്കുന്നത്. തെലുങ്കില് പ്രിയദര്ശിനിയുടെ ഭര്ത്താവ് ബോബിയായി എത്തുന്നത് യുവതാരം സത്യദേവ് ആണ്. നടന്റെ കാസ്റ്റിംഗിലാണ് നയന്സ് അതൃപ്തി പ്രകടിപ്പിച്ചിരിക്കുന്നത്. താരമൂല്യമുളള മറ്റൊരു നടനെ കൊണ്ട് വരണമെന്നാണ് നടിയുടെ അവശ്യം. ഇതിനെ കുറിച്ച് സംവിധായകനോട് നയന്താര സംസാരിച്ചിട്ടുണ്ടെന്നും പുറത്ത് വന്ന റിപ്പോര്ട്ടില് പറയുന്നു. വന് തുകയാണ് ഈ ചിത്രത്തിലെ നടിയുടെ പ്രതിഫലം.
അതേസമയം ഈ കഥാപാത്രത്തിലേയ്ക്ക് നടന് ബിജു മേനോനെ പരിഗണിച്ചിരുന്നതായും റിപ്പോര്ട്ട് പ്രചരിച്ചിരുന്നു. ഔദ്യോഗികമായി പ്രഖ്യാപിച്ചിരുന്നില്ലെങ്കിലും ഏകദേശം നടനെ കാസ്റ്റ് ചെയ്തതായിരുന്നു. എന്നാല് പിന്നീട് ബിജു മേനോന് പകരം സത്യദേവ് എത്തുകയായിരുന്നു. നടന് സിനിമയില് നിന്ന് പിന്മാറാനുള്ള കാരണം വ്യക്തമല്ല. അതേസമയം മലയാളത്തില് നിരവധി ചിത്രങ്ങളാണ് നടന്റേതായി അണിയറയില് ഒരുങ്ങുന്നത്. ലോക്ക് ഡൗണിന് ശേഷം നടന് സിനിമയില് സജീവമായിട്ടുണ്ട്.
മോഹന് രാജയാണ് ലൂസിഫറിന്റെ തെലുങ്ക് പതിപ്പ് സംവിധാനം ചെയ്യുന്നത്. മലയാളത്തില് ലൂസിഫര് വന് ഹിറ്റായി മാറിയതിന് പിന്നാലെയാണ് ചിരഞ്ജീവി ചിത്രത്തിന്റെ റീമേക്ക് അവകാശം സ്വന്തമാക്കിയത്. മലയാളം ലൂസിഫറില് നിന്ന് അല്പം വ്യത്യസ്തമായിട്ടാണ് ഒരുക്കുന്നത്. പ്രണയവും ആക്ഷനും നിറഞ്ഞ മാസ് ചിത്രമായിട്ടാവും ഗോഡ്ഫാദര് എത്തുക. ചിരഞ്ജീവിയുടെ ബാനറിനൊപ്പം സൂപ്പര് ഗുഡ് ഫിലിംസും ചേര്ന്നാണ് ഗോഡ്ഫാദര് നിര്മ്മിക്കുന്നത്.
https://www.facebook.com/Malayalivartha
