നയന്താരയ്ക്ക് ഇന്ന് പിറന്നാള്... ആശംസയുമായി സാമന്ത; പിറന്നാള് ദിനത്തില് താരത്തെ കുറിച്ച് അധികം ആരും അറിയാത്ത ഒരുരഹസ്യം കൂടി?
കഠിന പ്രയത്നത്തിലൂടെ തെന്നിന്ത്യന് സിനിമാലോകത്ത് തന്റേതായ സ്ഥാനം ഉറപ്പിച്ച നടി കൂടിയാണ് നയന്താര. താരത്തിന്റെ 37ാം ജന്മദിനമാണ് ഇന്ന്. സിനിമാ ലോകത്തെ സുഹൃത്തുക്കളും ആരാധകരും അടക്കം നിരവധി പേരാണ് താരത്തിന് ജന്മദിനാശംസകള് നേര്ന്നിരിക്കുന്നത്.
ഹൃദയസ്പര്ശിയായ കുറിപ്പിലൂടെയാണ് സാമന്ത ബെര്ത്ത്ഡേ ഗേള് നയന്താരയ്ക്ക് ആശംസകള് നേര്ന്നത്. 'അവള് വന്നു, അവള് കണ്ടു, അവള് ധൈര്യപ്പെട്ടു, അവള് സ്വപ്നം കണ്ടു, അവള് പെര്ഫോം ചെയ്തു, അവള് കീഴടക്കി ഹാപ്പി ബെര്ത്ത്ഡേ നയന്', സാമന്ത ഇന്സ്റ്റഗ്രാമില് കുറിച്ചു. നയന്താരയുടെ പിറന്നാള് ആഘോഷത്തില്നിന്നുള്ള ചിത്രങ്ങളും സാമന്ത പോസ്റ്റ് ചെയ്തിട്ടുണ്ട്.
വിഘ്നേഷ് ശിവന് സംവിധാനം ചെയ്യുന്ന 'കാത്തുവാക്കുല രണ്ടു കാതല്' എന്ന സിനിമയുടെ സെറ്റില്വച്ചായിരുന്നു നയന്സിന്റെ പിറന്നാള് ആഘോഷം. സാമന്ത, നയന്താര, വിജയ് സേതുപതി എന്നിവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്.
പിറന്നാള് ദിനത്തില് നയന്താരയ്ക്കായി വിഘ്നേഷ് ഒരുക്കിയ സര്പ്രൈസ് പിറന്നാള് പാര്ട്ടിയുടെ ചിത്രങ്ങളും വീഡിയോകളും സോഷ്യല് മീഡിയയുടെ ശ്രദ്ധ കവരുകയാണ്. നയന്താര എന്നെഴുതി കേക്കും വിഘ്നേഷ് തന്റെ പ്രിയതമയ്ക്കായി ഒരുക്കിയിരുന്നു.
വിഘ്നേശ് ശിവന് സംവിധാനം ചെയ്ത നാനും റൗഡി താന് എന്ന ചിത്രത്തിലൂടെയാണ് ഇരുവരും അടുപ്പത്തിലാവുന്നത്. ആറു വര്ഷമായി ഇരുവരും പ്രണയത്തിലാണ്. ഇരുവരുടെയും വിവാഹത്തിനായാണ് ഇനി ആരാധകര് കാത്തിരിക്കുന്നത്. വിഘ്നേഷുമായി വിവാഹ നിശ്ചയം കഴിഞ്ഞതായി അടുത്തിടെ വിജയ് ടെലിവിഷനിലെ അഭിമുഖത്തില് നയന്താര വെളിപ്പെടുത്തിയിരുന്നു.
നയന്താര ഒരു പോളിഡാക്റ്റൈല് ആണെന്ന് അധികം ആര്ക്കും അറിയില്ല. കൈകളിലോ കാലുകളിലോ സാധാരണ ഉണ്ടാകേണ്ട അഞ്ച് വിരലിനേക്കാള് ഒരെണ്ണം കൂടുതല് വരുന്ന അവസ്ഥയാണ് പോളിഡാക്റ്റൈല് എന്നത്.
ജന്മനാ തന്നെ നയന്താരയ്ക്കും കൈയില് ഒരു വിരല് കൂടുതലാണ്. ഇടത് കൈയിലാണ് നയന്താരയ്ക്ക് ഒരു വിരല് കൂടുതല് ഉള്ളത്. അത് വളരെ നേരിയതും പെട്ടന്ന് ശ്രദ്ധിക്കപ്പെടാത്ത നിലയിലുമാണ്. താരത്തിന്റെ പല ചിത്രങ്ങളിലും സൂക്ഷിച്ച് നോക്കിയാല് ഇത് കണ്ടെത്താന് സാധിക്കും.
https://www.facebook.com/Malayalivartha
