ദിനം പ്രതി നിരവധി തട്ടിപ്പ് വാർത്തകളാണ് പുറത്ത് വരുന്നത്. എത്രയൊക്കെ വാർത്ത വന്നാലും പഠിക്കില്ല എന്നതാണ് മറ്റൊരു യാഥാർഥ്യം. ഇപ്പോഴിതാ പുറത്ത് വരുന്നത് 26 ലക്ഷം രൂപ തട്ടിയെടുത്തെന്നാരോപിച്ച് തെന്നിന്ത്യൻ താരം സ്നേഹ പോലീസിൽ പരാതി നൽകിഎന്നാ റിപ്പോർട്ടുകളാണ്.

രണ്ട് വ്യവസായികൾക്കെതിരേയാണ് താരം പരാതി നൽകിയത്. എക്സ്പോർട്ട് കമ്പനിയിൽ പണം നിക്ഷേപിച്ചാൽ ലാഭവിഹിതം നൽകാമെന്ന് വാഗ്ദാനം നൽകി തന്നെ കബിളിപ്പിച്ചു എന്നാണ് താരം ചെന്നൈ കാനാതുർ പോലീസ് സ്റ്റേഷനിൽ നൽകിയ പരാതിയിൽ പറയുന്നത്.

രണ്ട് വ്യവസായികൾ നടത്തുന്ന എക്സ്പോർട്ട് കമ്പനിയിൽ 26 ലക്ഷം രൂപയാണ് താൻ നിക്ഷേപിച്ചതെന്നും, എന്നാൽ പറഞ്ഞ വാക്ക് പാലിച്ചില്ല എന്നും പണം തിരികെ ചോദിച്ചപ്പോൾ നിരസിക്കുകയും തന്നെ ഭീഷണിപ്പെടുത്തിയെന്നും താരം പോലീസിന് നൽകിയ പരാതിയിൽ പറയുന്നു. സ്നേഹ നൽകിയ പരാതിയിൽ കാനാതുർ പോലീസ് അന്വേഷണം ആരംഭിച്ചിരിക്കുകയാണ്. സംഭവത്തിൽ കൂടുതൽപേർ പിടിയിലാകുമെന്നാണ് സൂചനകൾ.