അതാണവന്റെ രീതി, അതാണവന്റെ ഇഷ്ടം... പ്രണവിന്റെ ജീവിതത്തെ കുറിച്ച് അമ്മ പറയുന്നത്
എല്ലാവരെയും അതിശയിപ്പിക്കുകയും ചിന്തിപ്പിക്കുകയും ചെയ്യുന്ന ഒരു ജീവിത രീതിയാണ് പ്രണവ് മോഹന്ലാലിന്റേത്. താരജാഡയോടെ ഒരിക്കലും പ്രണവിനെ ആരും കണ്ടിട്ടില്ല. സാധാരണക്കാരില് സാധരണക്കാരന് ആണ് എന്നും നമ്മുടെ പ്രിയ താരപുത്രന്.
കുഞ്ഞുനാള് മുതല് തന്നെ യാത്രയോട് ഇഷ്ടമുള്ള ആളാണ് അപ്പു എന്നാണ് അമ്മ സുചിത്ര പറയുന്നത്. വളരുന്നതിനു അനുസരിച്ച് യാത്ര എന്നത് പ്രണവിന്റെ ജീവിതത്തിന്റെ ഒരു ഭാഗമായി മാറുകയായിരുന്നു എന്നും സുചിത്ര പറയുന്നു. ഒരു ഘട്ടത്തില്, പഠനത്തിന് ഒരു ഇടവേള കൊടുത്ത് അപ്പു പുറത്തൊരു ബാഗും തൂക്കി യാത്ര തുടങ്ങി.
ബനാറസും ഹിമാലയവും ഹംപിയും ജര്മനിയും ആസ്റ്റര്ഡാമും വയനാടും രാജസ്ഥാനുമെല്ലാം അവന്റെ നിരന്തര യാത്രാ ലക്ഷ്യങ്ങളായി. കാറിലോ വിമാനത്തിലോ പോകാന് സാധിക്കുമായിരുന്നിട്ടും അപ്പു ബസിലും ബസിന്റെ പുറത്തും ട്രെയിനിലെ ജനറല് കംപാര്ട്ട്മെന്റിലും കയറി യാത്ര ചെയ്തു.തട്ടുകടകളില് നിന്ന് ഭക്ഷണം കഴിച്ചു. വാടക കുറഞ്ഞ സാധാരണ മുറികളില് രാത്രിയുറങ്ങി.
എന്തിന് ഇങ്ങനെയൊരു ത്യാഗം എന്ന് പലപ്പോഴും തങ്ങള് ആലോചിച്ചിട്ടുണ്ട്. അമ്മയെന്ന രീതിയില് ചെറുതായി വേദനിച്ചിട്ടുണ്ട്. അതാണവവന്റെ രീതി, അതാണവന്റെ ഇഷ്ടം എന്ന് പതുക്കെ തിരിച്ചറിഞ്ഞു.
ഇപ്പോള് അഭിനയത്തിലൂടെ സ്വന്തമായി വരുമാനമുണ്ടായിട്ടും പ്രശസ്തനാവുന്നതിനേക്കാള് അജ്ഞാതനാകുന്നതാണ് അവന് കൂടുതലിഷ്ടം എന്ന് തനിക്ക് തോന്നുന്നു. മുഴുവന് സമയവും സിനിമയില് അഭിനയിക്കുക സാധ്യമല്ലെന്നും തന്റെ പാഷനുകളെല്ലാം നിലനിര്ത്തികൊണ്ടേ അഭിനയം താനൊരു കരിയറാക്കൂ എന്ന് പ്രണവ് ആദ്യമേ പറഞ്ഞിരുന്നുവെന്നും സുചിത്ര വ്യക്തമാക്കി.
ചിലപ്പോള് പ്രത്യേകിച്ച് ലക്ഷ്യമൊന്നുമില്ലാതെ നിരത്തുകള് താണ്ടി തോളില് ഒരു ബാഗും തൂക്കിയിട്ട് പോകുന്ന പ്രണവിന്റെ വീഡിയോകള് പ്രേക്ഷകര് പലപ്പോഴും കണ്ടതാണ്.
അടുത്ത കാലത്ത് പ്രണവിനെ കുറിച്ച് ഗായകനും സംവിധായകനും ആയ വിനീത് ശ്രീനിവാസന് പറഞ്ഞു, കോരിച്ചൊരിയുന്ന ഒരു മഴയത്ത് ഒരു നാട്ടിന് പുറത്തെ തട്ടുകടയില് നമ്മള് കയറി നിന്നാല് ചിലപ്പോള് അപ്പു അവിടെ കാണും എന്ന്. സാധാരാണക്കാരില് സാധാരണക്കാരനായി ജീവിക്കാനാണ് പ്രണവിന് ഇഷ്ടം എന്ന്.
https://www.facebook.com/Malayalivartha