ജേഴ്സി സിനിമയുടെ ഷൂട്ടിനിടെ നടന്ന ഒരിക്കലും മറക്കാനാവാത്ത സംഭവം പറഞ്ഞ് ഷാഹിദ് കപൂര്
സിനിമയില് കഥാപാത്രത്തെ വിട്ട് ഒരു കളിയും താരങ്ങള്ക്കില്ല. അതുകൊണ്ട് തന്നെ കഥാപാത്രത്തിന്റെ സ്വാഭാവികതയ്ക്ക് വേണ്ടി ഏത് സാഹസികതയ്ക്കും തയ്യാറാകുന്നവരാണ് സിനിമാ താരങ്ങള്. ഇത്തരം പ്രവര്ത്തികളില് പലപ്പോഴും താരങ്ങള്ക്ക് ഗുരുതരമായ അപകടങ്ങളും പറ്റാറുണ്ട്.
അത്തരത്തില് തനിക്ക് പറ്റിയ പരിക്കിനെ പറ്റി ബോളിവുഡ് താരം ഷാഹിദ് കപൂര് പറഞ്ഞ വാക്കുകളാണ് ഇപ്പോള് ഏവരുടെയും ശ്രദ്ധ കവരുന്നത്. ജേഴ്സി എന്ന സ്പോര്ട്സ് ചിത്രത്തിന്റെ ചിത്രീകരണത്തിനിടെ തനിക്കേറ്റ പരിക്കിനെക്കുറിച്ചാണ് ഷാഹിദ് പറയുന്നത്.
സിനിമയുടെ ഷൂട്ടിനിടെ തന്റെ ചുണ്ടുകള് പൊട്ടി 25 തുന്നലുകള് ഇടേണ്ടി വന്നിരുന്നെന്ന് ഷാഹിദ് കപൂര് പറയുന്നു. ഇതുതന്നെയായിരിക്കും ജേഴ്സിയെക്കുറിച്ചുള്ള ശക്തമായ ഓര്മയെന്നും താരം പറഞ്ഞു. ആരാധകരുമായി സോഷ്യല് മീഡിയ വഴി സംവാദിക്കുന്നതിനിടെ ആയിരുന്നു ഷാഹിദ് ഇക്കാര്യം പറഞ്ഞത്.
https://www.facebook.com/Malayalivartha
