വിനയന്‍ സംവിധാനം ചെയ്യുന്ന ബിഗ് ബജറ്റ് ചിത്രമാണ് പത്തൊമ്പതാം നൂറ്റാണ്ട്. നവോത്ഥാന നായകന്‍ ആറാട്ടുപുഴ വേലായുധ പണിക്കരായാണ് സിജു വേഷമിടുന്നത്. സിജുവിനെ നായകനാക്കിതിനെതിരെ നിരവധി പേര്‍ നേരത്തെ രംഗത്തെത്തിയിരുന്നു. സിജു വില്‍സനെ ഇകഴ്ത്തിക്കൊണ്ടുള്ളതായിരുന്നു കമന്റുകളില്‍ ഭൂരിഭാഗവും.

ഇപ്പോഴിതാ നടനെ കുറിച്ചുള്ളൊരു കമന്റിന് വിനയന്‍ നല്‍കിയ മറുപടിയാണ് ശ്രദ്ധനേടുന്നത്. 'ഒരു കാര്യം ഉണ്ട് വിനയന്‍ സാര്‍.. ഇത്രയും ക്യാന്‍വാസില്‍ ഒരുങ്ങുന്ന ഒരു ചിത്രം എന്ന നിലയ്ക്കും ഒരു പ്രേഷകന്‍ എന്ന നിലയ്ക്കും പറയണം എന്ന് തോന്നി.. ഇതിലെ നായകനോട് ഒരു വിരോധവും ഇല്ല..

പക്ഷെ ഇത്രയും വലിയ ഒരു റോള്‍ കൊടുക്കുമ്‌ബോള്‍ ഒന്ന് കൂടെ ഒന്ന് ആലോചിച്ചു കൂടായിരുന്നോ എന്ന് തോന്നി പോവുന്നു.. പ്രിഥ ്വിരാജ് ആയിരുന്നു എങ്കില്‍ ആ കൈകളില്‍ ഈ വേഷം ഭദ്രമാവുമായിരുന്നു.. ഇതിലെ നായകനെ കേരളത്തിലേ മിക്ക പേര്‍ക്കും അറിയില്ല എന്ന് തന്നെ പറയാം. ഇത്രയും വലിയ ചിലവുള്ള പടം ചെയ്യുമ്‌ബോള്‍ അതിനനുസരിച്ചുള്ള നായകന്‍ വേണമായിരുന്നു എന്ന് തോന്നി പോവുന്നു.

ഇങ്ങെനെയുള്ള ഒരു വേഷം ചെയ്തു ഫലിപ്പിക്കാന്‍ ഇതിലെ നായകനെ കൊണ്ട് പറ്റും എന്ന് തോന്നുന്നില്ല. എത്ര നല്ല കഥയായാലും നായകന് കൈമോശം വന്നാല്‍ പടം പരാജയമാവും.. നിങ്ങള്‍ ഒരു സാദാരണ പ്രേഷകനെ പോലെ ചിന്തിച്ചിരുന്നു എങ്കില്‍ എത്ര നന്നായേനെ..ഒന്നും വിചാരിക്കരുത് വിനയന്‍ സാര്‍..

ഒന്നേ പറയാന്‍ ഉള്ളു ഈ പടം പരാജയമാണ് എങ്കില്‍ അതിന്റെ കാരണം ഇതിലെ നായകന്‍ കാരണം കൊണ്ട് മാത്രമായിരിക്കും.. എന്തായാലും നല്ല വിജയം കൈ വരിക്കട്ടെ.. നല്ല മെഗാഹിറ്റായി മാറട്ടെ എന്ന് ആശംസിക്കുന്നു', എന്നായിരുന്നു ഒരാളുടെ കമന്റ. പിന്നാലെ പ്രതികരണവുമായി വിനയനും എത്തി.

'താങ്ക്യൂ യാസര്‍, ഞാന്‍ പറഞ്ഞവരിലുമൊക്കെ ഇയാള്‍ നന്നായിട്ടൊണ്ട് എന്ന് പടം കണ്ടുകഴിയുമ്‌ബോള്‍ യാസര്‍ പറയും എനിക്കുറപ്പാണ്', എന്നായിരുന്നു വിനയന്റെ മറുപടി. കഴിഞ്ഞ ദിവസം ചിത്രത്തില്‍ ടിനി ടോം അവതരിപ്പിക്കുന്ന കഥാപാത്രത്തിന്റെ പോസ്റ്റര്‍ സംവിധായകന്‍ പങ്കുവച്ചിരുന്നു. ഇതിന് താഴെ ആയിരുന്നു കമന്റ്.