മരയ്ക്കാറിനെ എഴുതി തോല്പ്പിക്കാന് ശ്രമിക്കുന്ന ചേട്ടന്മാരോട് ഒരു കാര്യം!; മരയ്ക്കാർ വിവാദത്തിൽ പ്രതികരണവുമായി സംവിധായകന് ജൂഡ് ആന്റണി
മോഹന്ലാല് പ്രിയദര്ശന് കൂട്ടുകെട്ടില് പുറത്തിറങ്ങിയ മരയ്ക്കാര് അറബിക്കടലിന്റെ സിംഹം എന്ന ചിത്രത്തിന് സമ്മിശ്രപ്രതികരണമാണ് ലഭിക്കുന്നത്. ചിത്രത്തെക്കുറിച്ചു നിരവധി ട്രോളുകളും പ്രചരിക്കുന്നു. ഈ അവസരത്തില് മരയ്ക്കാരെക്കുറിച്ചു സംവിധായകന് ജൂഡ് ആന്റണി പങ്കുവച്ച കുറിപ്പ് ശ്രദ്ധനേടുന്നു.
'ഞാന് ഒരു കടുത്ത ലാലേട്ടന് ഫാനാണ് , ഞാനൊരു കടുത്ത പ്രിയദര്ശന് ഫാനാണ് . ഒരുപാട് നെഗറ്റീവ് റിവ്യൂസ് കണ്ടിട്ടാണ് ഞാന് മരക്കാര് കണ്ടത് . 90 ദിവസം കൊണ്ട് ഇതുപോലെ ഒരു സിനിമ ഷൂട്ട് ചെയ്ത പ്രിയന് സാറിനൊരു ബിഗ് സല്യൂട്ട് . ഒരുസിനിമയെയും എഴുതി തോല്പ്പിക്കാന് പറ്റില്ല. എന്നാലും അതിനു ശ്രമിക്കുന്ന ചേട്ടന്മാരോട് ഒരു കാര്യം മാത്രം പറയാം . ഇത് പോലൊരു സിനിമ നമ്മുടെ അഭിമാനമാണ് . ചെറിയ ബഡ്ജറ്റില് അത്ഭുതങ്ങള് കാണിക്കാന് ഇനിയും മലയാള സിനിമക്ക് കഴിയട്ടെ ' - ജൂഡ് സമൂഹമാധ്യമത്തില് പങ്കുവച്ച കുറിപ്പില് പറയുന്നു
https://www.facebook.com/Malayalivartha